Beeline–ի «Գեղեցիկ համարները» Հայաստանում կարելի է ձեռք բերել կես գնով Biglemon.am–ի հետ ակցիայի շրջանակում
ԵՐԵՎԱՆ, 26 հունիսի. /ԱՌԿԱ/. Beeline-ը և Biglemon.am–ը հայտարարում են համատեղ ակցիայի անցկացման մասին։ Ակցիայի շրջանակում «Արծաթ» կամ «Ոսկի» Beeline «Գեղեցիկ համարները» հասանելի են 50% զեղչով, հաղորդում է «ԱրմենՏել» ՓԲԸ–ի մամուլի ծառայությունը։
Առաջարկը գործում է ֆիզիկական անձանց համար և կշարունակվի մինչև 2015թ–ի սեպտեմբեր ամսվա վերջ:
«Beeline-ը շարունակում է ուրախացնել իր հաճախորդներին նոր ակցիաներով և զեղչերով, փորձելով դարձնել իր ծառայություններն առավելագույնս պարզ, հարմար և մատչելի: Biglemon.am–ի հետ համատեղ սիրով առաջարկում ենք մեր հաճախորդներին Beeline «Գեղեցիկ համարները» կես գնով», - նշել է Հայաստանում Beeline-ի գլխավոր տնօրեն Անդրեյ Պյատախինը:
Ակցիայի շրջանակում «Արծաթ» համարը կարժենա 10.000 դրամ, իսկ «Ոսկի» համարը՝ 30.000 դրամ։
«ԱրմենՏել» ՓԲԸ-ն (Beeline ապրանքանիշ) հանդիսանում է «ՎիմպելԿոմ» ընկերությունների խմբի մի մասը: «ՎիմպելԿոմը» հանդիսանում է աշխարհի խոշորագույն ինտեգրված օպերատորներից մեկը, որն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ։--0- -
Ծանոթացեք լուրերին առաջինն ու քննարկեք դրանք մեր Telegram-ում
11:20 26.06.2015