Beeline-ը Հայաստանում երկու բացառիկ առաջարկ է գործարկել կորպորատիվ հաճախորդների համար
ԵՐԵՎԱՆ, 1 հոկտեմբերի. /ԱՌԿԱ/. «ԱրմենՏել» ՓԲԸ–ն (Beeline ապրանքանիշ) հայտարարում է երկու բացառիկ «Սմարթ բիզնես» և «Սմարթ բիզնես+» սակագնային փաթեթների գործարկման մասին կորպորատիվ հաճախորդների համար: Փաթեթները հասանելի են կանխավճարային և հետվճարային սակագնային փաթեթների բաժանորդներին։
«Սակագնային փաթեթների շրջանակում փակ խմբում ելքային զանգի մեկ րոպեի արժեքն է 3 դրամ, դեպի Beeline բջջային և ֆիքսված ցանցեր կատարվող զանգերը` 18 դրամ, իսկ ելքային զանգերը դեպի ՀՀ և ԼՂՀ այլ բջջային և ֆիքսված ցանցեր տարիֆիկացվում է 35 դրամ սակագնով»,– հայտնում է ընկերության մամուլի ծառայությունը։
«Սմարթ բիզնես» և «Սմարթ բիզնես+» սակագնային փաթեթների բաժանորդներն ամսական 350 դրամ կամ օրական 12 դրամ լրացուցիչ բաժանորդային վճարի դիմաց կարող են անվճար խոսել փակ խմբի ներսում` միացման համար վճարելով ընդամենը 5 դրամ (անկախ խոսակցության տևողությունից):
«Beeline-ը շարունակում է կատարելագործել սակագնային առաջարկները` դարձնելով դրանք ավելի հարմար և հասանելի: Նոր սակագնային փաթեթներն ուղղված են կորպորատիվ սեգմենտին և առաջարկում են հեռահաղորդակցության բոլոր ծառայությունների շահավետ սակագներ մեր գործընկերների և բիզնեսի համար», - նշեց Հայաստանում Beeline-ի Գլխավոր տնօրեն Անդրեյ Պյատախինը։
«Սմարթ բիզնես» և «Սմարթ բիզնես+» սակագնային փաթեթներն ակտիվացնելու դեպքում նոր ծառայությունների սակագները գործում են միանալու հաջորդ օրվանից սկսած: Ցանկության դեպքում բաժանորդները կարող են ակտիվացնել ձայնային, SMS-հաղորդագրություններ և ինտերնետի փաթեթներ, որոնք հնարավորություն են տալիս օգտագործել ծառայությունների մեծ ծավալներ ավելի հասանելի սակագներով:
«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ։–0–
Ծանոթացեք լուրերին առաջինն ու քննարկեք դրանք մեր Telegram-ում
12:53 01.10.2015