Beeline Extreme 2012 փառատոն կանցկացվի Իջևանում մարտի 25-ին
ԵՐԵՎԱՆ, 20 մարտի. /ԱՌԿԱ/. Beeline Extreme Fest 2012 էքստրեմալ սպորտի գարնանային փառատոն կանցկացվի Իջևանում մարտի 25-ին, երեքշաբթի «ԱՌԿԱ» գործակալությանը տեղեկացրեցին «ԱրմենՏել» ընկերության մամուլի ծառայությունից:
Փառատոնի կազմակերպիչներն են «ԱրմենՏել» ՓԲԸ-ն և Էքստրեմալ սպորտի «Ադրենալին» ասոցիացիան:
Ըստ մամուլի հաղորդագրության՝ միջոցառումը կանցնի Վասիլյան և Մելիքբեկյան փողոցներում, ինչպես նաև «Մայր Հայաստան» արձանին հարող տարածքում:
Փառատոնի շրջանակում կանցկացվեն էքստրեմալ տարբեր մարզաձևերի մրցումներ և ցուցադրական ելույթներ: Հանդիսատեսին կներկայացվեն Drift, Off-Road 4Х4, Drag-Racing դասերում վարորդների ելույթներ, ինչպես նաև մոտո-շոու և այլ:
«Էքստրեմալ մարզաձևերը զարգանում են Հայաստանում, և ես շնորհավորում եմ էքստրեմալ սպորտի բոլոր սիրահարներին գարնանային սեզոնի բացման առիթով: Բոլոր նրանք, ովքեր ցանկանում են, կարող են իրենց ընտանիքի հետ միասին հանգստյան օրն անցկացնել Իջևանում և գնահատել թիմերի վարպետությունը, վայելել ցուցադրական ելույթներն ու շոու-ծրագիրը», - մամուլի ծառայությունից մեջբերեցին «ԱրմենՏել» ՓԲԸ-ի գլխավոր տնօրեն Իգոր Կլիմկոյի խոսքերը:
Էքատրեմալ սպորտի «Ադրենալին» ասոցիացիայի նախագահ Արտաշես Ստեփանյանն իր հերթին հրավիրել է ավտոսիրահարներին մասնակցել միջոցառմանը և ցուցադրել մեքենա վարելու վարպետությունը՝ նշելով, որ առաջիկա միջոցառումը կդառնա տոն Իջևանի բնակիչների և հյուրերի համար:
Beeline Extreme Fest 2012 փառատոնին կարող են մասնակցել բոլոր ցանկացողներն` ավտոսպորտի վարպետներն ու սիրահարները: Մրցակիցների գրանցումը կատարվում է մինչև մարտի 23-ը` էքատրեմալ սպորտի «Ադրենալին» ասոցիացիայի 010 228085 հեռախոսահամարով:
«ԱրմենՏել» ՓԲԸ- ն «Վիմպելկոմ» ընկերության դուստր ձեռնարկությունն է (Beeline ապրանքանիշ): 2007 թվականի ապրիլից: «ԱրմենՏելի» 100 տոկոս բաժնետոմսերը պատկանում են ռուսական ընկերությանը, որը մատուցում է ձայնային կապի և տվյալներիփոխանցման ծառայություններ անլար և ֆիքսված հեռախոսակապի տեխնոլոգիաների լայն շրջանակում, ինչպես նաև լայնաշերտ Ինտերնետ կապի ծառայություններ:-0-
Ծանոթացեք լուրերին առաջինն ու քննարկեք դրանք մեր Telegram-ում
17:58 20.03.2012
