Beeline-ը օպտիկամանրաթելային FTTB-ինտերնետ է գործարկել Երևանում
ԵՐԵՎԱՆ, 12 փետրվարի. /ԱՌԿԱ/. «ԱրմենՏել» ՓԲԸ–ն Երևանում առևտրային շահագործման է հանձնել օպտիկամանրաթելային FTTB տեխնոլոգիայի գերարագ ինտերնետ ծառայություն, հինգշաբթի մամուլի ասուլիսում հայտնեց ԱՊՀ երկրներում Beeline–ի բիզնեսի զարգացման գործադիր փոխնախարար Անդրեյ Պատոկան։
FTTB (fiber-to-the-building – մանրաթել մինչև շենք) տեխնոլոգիան ենթադրում է տվյալների փոխանցում գերարագ օպտիկամանրաթելային կապի գծերով։ Բաժանորդները ստանում են առանձնացված ինտերնետ–ուղի, որը չի պահանջում հեռախոսագծի և մոդեմի օգտագործում։
Նա նշեց, որ ընկերությունն առաջիններից մեկն է Հայաստանում սկսել ներդնել լայնաշերտ Ինտերնետ ծառայություններ, և տեխնոլոգիաների նկատմամբ նոր պահանջների կապակցությամբ ցանցը զարգացնում է մինչև FTTB տեխնոլոգիաներ, որոնք թույլ են տալիս առավելագույնս արդյունավետ ինտերնետ–ծառայություններ մատուցել բազմաբնակարանային տներում։
«Մենք ներդրում ենք կատարել ենթակառուցվածքի փոխարինման և նոր տեխնոլոգիանռրի ներդրման մեջ միլիանովոր դոլարներ կամ միլիարդավոր դրամներ, որ գործող ցանցը բավարարի ինտերնետ ավելի արագ հասանելիության, IPTV դիտելու հնարավորության և ընկերության` ապագայում ներդրվող ինտերակտիվ ծառայություններից օգտվելու նոր պահանջներին»,– ասաց Պատոկան։
Հայաստանում Beeline–ի գլխավոր տնօրեն Անդրեյ Պյատախինը նշեց, որ նոր տեխնոլոգիայով մայրաքաղաքի մի շարք շրջաններում արդեն իրականացվել է ավելի քան 200 բազմաբնակարանային տների միացում, սակայն առաջիկա երկու տարիների ընթացքում ծրագրվում է ներդնել այն երկրի բազմաբնակարանային տների մեծ մասում։
«Այսօր ցանցը տարածվում է Երևանում, մասնավորապես, աշխատանք է կատարվում 1600 տներում, որոշակի հատված կան Աբովյանում և Գյումրիում։ Ծրագրվում է, որ տարվա կեսից մենք կսկսենք զարգացնել և ցանց ներդնել երկրի մարզերում»,– ասաց Պյատախինը։
«Beeline ինտերնետ» օպտիկամանրաթելային ինտերնետ ծառայության շրջանակում նախատեսվում են սակագնային փաթեթներ ինտերնետի` 10, 35, 50 и 70 Մբ/վրկ
համաչափ արագությամբ, համապատասխանաբար, 5, 7, 10 և 13 հազար ամսական բաժանորդավճարով։
«Beeline ինտերնետ» ծառայության բաժանորդներին հասանելի է Beeline IPTV ծառայությունն ընթացիկ շուկայական սակագներով։ Hi-Line ծառայության գործող բաժանորդները կարող են միանալ «Beeline ինտերնետ» ծառայությանը` պայմանագրի գործողության ժամկետից անկախ։ Hi-Line ծառայության բաժանորդները «Beeline ինտերնետ» ծառայության անցնելիս կարող են գործող ծառայությունը պահպանել որպես պահուստային։ Միաժամանակ, նրանց կառաջարկվի հատուկ սակագնային փաթեթ 4 Մբ/վրկ արագությամբ և ամսական 90 դրամ բաժանորդավճարով։
Մամուլի ասուլիսում պատոկան «Beeline ինտերնետ» ծառայության առաջին բաժանորդին պարգևատրեց «Beeline ինտերնետ» սակագնային փաթեթի` 70 Մբ/վրկ արագությամբ և անվճար բջջային ինտերներով մեկ տարվա ընթացքում։
«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ։–0–
Ծանոթացեք լուրերին առաջինն ու քննարկեք դրանք մեր Telegram-ում
18:29 12.02.2015