Beeline-ի բաժանորդները կկարողանան օգտվել Yandex-ի ծառայություններից՝ առանց ինտերնետի համար վճարելու
ԵՐԵՎԱՆ, 11 մայսիսի. /ԱՌԿԱ/. Beeline-ը և Yandex-ը գարծարկում են համատեղ ակցիա, որի շրջանակում Yandex.Taxi, Yandex.Music, Yandex.Navigator, Yandex.Disk հավելվածների համար ինտերնետի տրաֆիկը կլինի անվճար։ «Սմարթ», Quatro և Neomax սակագնային պլանների բաժանորդները կկարողանան օգտվել ծառայություններից առանց ինտերնետի ծախսի, նույնիսկ հաշիվը սպառված լինելու դեպքում, հայտնում է ընկերության մամուլի ծառայությունը:
«Beeline-ը շարունակում է զարգանալ և ուրախացնել իր հաճախորդներին արդիական և օգտակար ծառայություններով։ Yandex-ի հետ համագործակցությունը թույլ կտա մեր բաժանորդներին երաժշտություն լսել, տաքսի պատվիրել նավիգացիայից և Yandex.Disk ամպային պահեստից օգտվել՝ չանհանգստանալով ինտերնետի ծախսերի համար։ Սա աննախադեպ առաջարկ է հայաստանյան շուկայում, և մենք հպարտ ենք, որ Yandex-ի սիրված հավելվածներն առաջինը հասանելի դարձրեցինք մեր հաճախորդների համար», - նշեց Հայաստանում Beeline-ի գլխավոր տնօրեն Անդրեյ Պյատախինը։
«Yandex.Taxi-ն աշխատում է արդեն 10 երկրում, բայց Հայաստանը միշտ եղել է և կմնա առանձնահատուկ մեզ համար։ Արագ և մատչելի տաքսի կարելի է պատվիրել արդեն Հայաստանի 14 քաղաքներում՝ Գյումրիից մինչև Կապան։ Տեղում չի մնացել նաև Yandex.Navigator-ը, որն օպերատիվ կերպով ցույց է տալիս խցանումները, փակ ճանապարհները և կարող է վարորդին շրջանցիկ ուղիներ առաջարկել։ Իսկ վերջերս այն սովորել է Երևանի փողոցների ծանրաբեռնվածությունը գնահատել բալերով։ Beeline-ի մեր գործընկերների շնորհիվ մեր օգտատերերը և մեր գործընկեր տաքսի ծառայությունների վարորդները կարող են չանհանգստանալ բավարար ինտերնետ ունենալու համար և գումար կխնայեն», - ասել է Yandex.Taxi-ի միջազգային զարգացման տնօրեն Մուշեղ Սահակյանը։
Ակցիան գործում է մինչև 2018 թ. օգոստոսի 31-ը։
Լրացուցիչ տեղեկատվություն կարող եք գտնել www.beeline.am կայքում, հաղորդագրություն ուղարկելով Facebook սոցիալական ցանցում Beeline Armenia պաշտոնական էջին, զանգահարելով 0611 անվճար համարին կամ այցելելով մոտակա Beeline գրասենյակ:
«ՎԵՈՆ Արմենիա» ՓԲԸ-ն (Beeline ապրանքանիշ) «ՎԵՈՆ» ընկերությունների խմբի մի մասն է, որն աշխարհի խոշորագույն ինտեգրված օպերատորներից մեկն է: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան 240 մլն բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում: «ՎԵՈՆ» խմբի ընկերությունները ծառայություններ են մատուցում «Beeline», «Киевстар», «Wind», «Mobilink», «Banglalink» և «Djezzy» ապրանքանիշերի ներքո: Մանրամասներին կարելի է ծանոթանալ www.veon.com կայքում:–0–
Ծանոթացեք լուրերին առաջինն ու քննարկեք դրանք մեր Telegram-ում
13:59 11.05.2018