Beeline-ի գլխավոր տնօրենը հանդես եկավ վարպետության դասով
ԵՐԵՎԱՆ, 1 դեկտեմբերի./ԱՌԿԱ/. Հայաստանում Beeline-ի գլխավոր տնօրեն Անդրեյ Պյատախինն անցկացրեց «Բիզնեսը և ռազմավարական որոշումները. ճիշտ որոշումներ ընդունելու գաղտնիքները» թեմայով վարպետության դաս Եվրասիա միջազգային համալսարանում, հաղորդում է Beeline ընկերության մամուլի ծառայությունը։
Վարպետության դասի ընթացաքում նա լսարանին ներկայացրեց ճիշտ ռազմավարական որոշումներ կայացնելու համար անհրաժեշտ քայլերը՝ թե ինչպես պետք է ուսումնասիրել իրավիճակը, ինչ հանգամանքներ հաշվի առնել և ինչպես խուսափել առավել հաճախ հանդիպող սխալներից։
«Վեոն Արմենիա» ՓԲԸ-ի հետ մեր երկկողմանի համագործակցությունը նոր չէ. այն ունի ավելի քան 15 տարվա պատմություն։ Եվրասիա միջազգային համալսարանի տեղեկատվական և հեռահաղորդակցային կապը ամբողջությամբ լավագույնս ապահովվում է «ՎԵՈՆ Արմենիա» ընկերության կողմից։ Մեր շրջանավարտներից շատերը աշխատանքի են անցել այս ընկերությունում և աչքի են ընկնում իրենց մասնագիտական հմտություններով», - նշել է Եվրասիա միջազգային համալսարանի ռեկտոր Սուրեն Օհանյանը:
«Այսօրվա արագ փոփոխվող դարաշրջանում շատ կարևոր է արագ կողմնորոշվել, ճիշտ որոշումներ կայացնել, ինչի համար անհարժեշտ է օգտագործել ամեն րոպե և ամեն վայրկյան և զբաղվել ինքնակրթությամբ։ Ես ինքս օգտագործում եմ ամեն առիթ դա իրագործելու համար և նույն խորհուրդն եմ տալիս ձեզ, իսկ Beeline-ը մեծ ուշադրությամբ է մոտենում այս հարցերին և փորձում իր հնարավորի ներդրումն ունենալ երիտասարդության կյանքն ավելի լավը դարձնելու գործում», - նշել է Հայաստանում Beeline-ի Գլխավոր տնօրեն Անդրեյ Պյատախինը։
Նշենք, որ 2018թ-ի նոյեմբերի 30-ին Հայաստանում Beeline-ի գլխավոր տնօրեն Անդրեյ Պյատախինը և Եվրասիա միջազգային համալսարանի ռեկտոր Սուրեն Օհանյանը ստորագրել են համագործակցության հուշագիր, որի նպատակն համատեղ ուժերով նպաստել հանրապետությունում տեղեկատվական տեխնոլոգիաների գծով մասնագետների պատրաստման գործընթացին, ներդնել և զարգացնել նոր կրթական ծրագրեր, և այլն։
«ՎԵՈՆ Արմենիա» ՓԲԸ-ն (Beeline ապրանքանիշ) «ՎԵՈՆ» ընկերությունների խմբի մի մասն է, որն աշխարհի խոշորագույն ինտեգրված օպերատորներից մեկն է: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան 240 մլն բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում: «ՎԵՈՆ» խմբի ընկերությունները ծառայություններ են մատուցում «Beeline», «Киевстар», «Wind», «Mobilink», «Banglalink» և «Djezzy» ապրանքանիշերի ներքո: Մանրամասներին կարելի է ծանոթանալ www.veon.com կայքում:–0–
Ծանոթացեք լուրերին առաջինն ու քննարկեք դրանք մեր Telegram-ում
11:33 01.12.2018
