Beeline-ի գլխավոր տնօրենը դասախոսություն կարդաց ԵՊՀ ուսանողների և շրջանավարտների համար
ԵՐԵՎԱՆ, 3 ապրիլի./ԱՌԿԱ/. Երևանի պետական համալսարանի շրջանավարտների և կարիերայի կենտրոնի և Հայաստանում Beeline համագործակցության շրջանակում շուրջ 30 ԵՊՀ ուսանողներ և շրջանավարտներ այցելեցին ընկերության վարչական գրասենյակը և հանդիպեցին Beeline-ի գլխավոր տնօրեն Անդրեյ Պյատախինի հետ, հաղորդում է Beeline–ի մամուլի ծառայությունը։
Այցի նպատակն է ԵՊՀ ուսանողներին և շրջանավարտներին հնարավորություն տալ կապեր հաստատելու երկրի խոշորագույն ընկերություններից մեկի հետ և ծանոթանալու միջազգային ընկերությունում աշխատանքի առանձնահատկություններին։
Հատուկ երիտասարդների համար Beeline-ի ղեկավարը պատրաստել էր դասախոսություն, որի ընթացքում խոսել է ղեկավարի հետ հաջող հաղորդակցություն հաստատելու և նրա որոշումների վրա ազդեցություն ունենալու ուղիների մասին։
«Հիանալի է, որ հայ երիտասարդներն արդեն ուսանողական տարիներից հետաքրքրվում են աշխատաշուկայով և ձգտում են բիզնես կապեր հաստատել, քանի որ նախաձեռնողականությունն ու ակտիվությունը միշտ էլ բարձր են գնահատվում բիզնես աշխարհում։ Դա նաև վերաբերում է սեփական ղեկավարության հետ հարաբերություններին՝ կարևոր է միշտ գտնել հաղորդակցվելու ճիշտ ուղիներ և հնարավորություններ հաջող թիմային աշխատանքի համար», - նշել է Beeline-ի գլխավոր տնօրեն Անդրեյ Պյատախինը։
Հանդիպումից հետո ուսանողներն այցելեցին Beeline-ի կապի թանգարանը, որտեղ ներկայացված են Հայաստանում հեռահաղորդակցման տեխնոլոգիաների զարգացման պատմությանը և կապի ժամանակակից տեխնոլոգիաները։
Նշենք, որ ԵՊՀ շրջանավարտների և կարիերայի կենտրոնի կողմից նմանատիպ միջոցառումներն անցկացնում են համալսարանի և առաջատար ձեռնարկությունների ու գործատուների փոխգործակցությանը, աշխատաշուկայում համալսարանականների մրցունակության բարձրացմանը, շրջանավարտների և համալսարանի միջև մշտական կապի ամրապնդմանն ու համագործակցության աճին նպաստելու համար:
«ՎԵՈՆ Արմենիա» ՓԲԸ-ն (Beeline ապրանքանիշ) «ՎԵՈՆ» ընկերությունների խմբի մի մասն է, որն աշխարհի խոշորագույն ինտեգրված օպերատորներից մեկն է: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան 240 մլն բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում: «ՎԵՈՆ» խմբի ընկերությունները ծառայություններ են մատուցում «Beeline», «Киевстар», «Wind», «Mobilink», «Banglalink» և «Djezzy» ապրանքանիշերի ներքո: Մանրամասներին կարելի է ծանոթանալ www.veon.com կայքում:–0–
Ծանոթացեք լուրերին առաջինն ու քննարկեք դրանք մեր Telegram-ում
11:36 03.04.2019