Beeline-ն արդիականացնում է ցանցը Հայաստանի բոլոր մարզերում

ԵՐԵՎԱՆ, 11 հուլիսի. /ԱՌԿԱ/. «ԱրմենՏել» ՓԲԸ–ն (ապրանքանիշը` Beeline) սկսում է  բջջային ցանցի արդիականացման և սարքավորումների փոխարինման լայնածավալ ծրագիր Հայաստանի մարզերում։

Ինչպես հայտնում են ընկերության մամուլի ծառայությունից, արդիականացումը կիրականացվի մի քանի փուլով և կավարտվի առաջիկա երեք ամսվա ընթացքում։ 

Beeline-ի հաճախորդները ցանցի արդիականացման արդյունքում կստանան ավելի բարձր որակի ձայնային ծառայություններ, կավելանա նաև բջջային ինտերնետի արագությունը:

Աշխատանքներն այնպես են կազմակերպվել, որ նվազագույնի հասցվի տեխնիկական դժվարությունների առաջացումը: Առանձին ցանցային հատվածներում ցանցի անջատման դեպքում տրաֆիկն օպերատիվ կերպով կփոխանցվի դեպի աշխատող համակարգեր:

«Մենք արդեն անցկացրել ենք նմանատիպ արդիականացում Երևանում և շատ գոհ ենք արդյունքներից։ Ծածկույթի որակն ու տեխնիկական հնարավորությունները զգալիորեն բարելավվել են, և մենք շտապում ենք անել նույնը մարզերում։ Ենթակառուցվածքներում արված ներդրումները որակի գրավական են և մեր պարզ ու հարմար ծառայությունների հիմքն են», - նշեց Հայաստանում Beeline-ի գլխավոր տնօրեն Անդրեյ Պյատախինը:       

Ծրագրի նպատակն է ընդլայնել բջջային կապի տեխնիկական հնարավորությունները՝ առաջարկելով հաճախորդներին էլ ավելի բարձր որակի ձայնային ծառայություններ և բջջային ինտերնետ երկրի ողջ տարածքում:

«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ:-0-

 

Ծանոթացեք լուրերին առաջինն ու քննարկեք դրանք մեր Telegram-ում

10:56 11.07.2017