Beeline-ը նախատոնական ակցիա է գործարկում Neo Max և Quatro փաթեթների բաժանորդների համար
ԵՐԵՎԱՆ, 17 դեկտեմբերի. /ԱՌԿԱ/. Beeline-ը գործարկում է ամանորյա ակցիա Neo Max և Quatro ծառայությունների փաթեթների բաժանորդների համար, հայտնում է ընկերության մամուլի ծառայությունը:
Ըստ հաղորդագրության, ամանորյա առաջարկի շրջանակում 2017 թ․ դեկտեմբերի 15-ից մինչև 2018 հունվարի 15-ը ներառյալ Neo Max-ի և Quatro-ի բաժանորդների համար անվճար միացվելու են տվյալ փաթեթների շրջանակում հասանելի բոլոր հեռուստաալիքները։
Ըստ ակցիայի, բոլոր Quatro ծառայությունների փաթեթների բաժանորդներին հասանելի կլինեն 134 հեռուստաալիքներ, իսկ Neo Max-ի բաժանորդները՝ փաթեթում ներառված 20 ալիքների փոխարեն կկարողանան դիտել 100 հեռուստաալիք։
«Նոր տարին նվերներ մատուցելու շրջան է, և մենք չենք դադարում անակնկալներ մատուցել մեր բաժանորդներին։ Դրանցից մեկն էլ Neo Max և Quatro փաթեթների բաժանորդների համար է։ Ամանորյա տոների շրջանում նրանք կստանան հեռուստաալիքների ավելի լայն ընտրություն և կկարողանան վայելել բարձրորակ հեռուստատեսություն Beeline-ից։ Վստահ եմ, որ այս փոքրիկ անակնկալը մեր բաժանորդներին կնվիրի սիրելի հաղորդումներ ընտանիքով դիտելու հաճույքը», - նշեց Հայաստանում Beeline-ի Գլխավոր տնօրեն Անդրեյ Պյատախինը։
Ակցիան վերաբերելու է ինչպես գործող բաժանորդներին, այնպես էլ նրանց, ովքեր կմիանան Neo Max և Quatro ծառայությունների փաթեթներին մինչև դեկտեմբերի 31-ը։
«ՎԵՈՆ Արմենիա» ՓԲԸ-ն (Beeline ապրանքանիշ) հանդիսանում է «ՎԵՈՆ» ընկերությունների խմբի մի մասը, որը հանդիսանում է աշխարհի խոշորագույն ինտեգրված օպերատորներից մեկը: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան 235 մլն. բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում: «ՎԵՈՆ» խմբի ընկերությունները ծառայություններ են մատուցում «Beeline», «Киевстар», «Wind», «Mobilink», «Banglalink» և «Djezzy» ապրանքանիշերի ներքո: Մանրամասներին կարելի է ծանոթանալ www.veon.com կայքում: –0–
Ծանոթացեք լուրերին առաջինն ու քննարկեք դրանք մեր Telegram-ում
22:45 17.12.2017