Beeline-ը «Smart» կանխավճարային փաթեթների և NeoMax ծառայությունների իր բաժանորդներին մինչև 100 հեռուստաալիք է տրամադրում
ԵՐԵՎԱՆ, 10 մայիսի. /ԱՌԿԱ/. «ԱրմենՏել» ՓԲԸ–ն (ապրանքանիշը` Beeline) հայտարարում է «Smart» սակագնային փաթեթների շարքի թարմացման և մինչև 100 անվճար հեռուստաալիք BeeTV հավելվածով կանխավճարային «Smart» և «Neo Max» ծառայությունների փաթեթների բաժանորդներին տրամադրման մասին, հայտնում է ընկերության մամուլի ծառայությունը։
Ինչպես նշվում է հաղորդման մեջ, «Smart» սակագնային փաթեթների շարքը համալրվել է «Smart 5500», «Smart 7500» և մարզային «Smart 1500» կանխավճարային սակագնային փաթեթներով: «Smart» սակագնային փաթեթների շարքը ներառում է 10 000 րոպե դեպի Beeline բջջային ցանց զանգահարելու հնարավորություն, մինչև 12 ԳԲ ինտերնետ ծավալ և մինչև 100 հեռուստաալիք:
««BeeTV ծառայությունը մեծ ճանաչում է ձեռք բերել և օգտատերերի կողմից արժանացել բարձր գնահատականի ծառայության որակի և կայուն աշխատանքի շնորհիվ: Կարճ ժամանակահատվածում այն ներբեռնել են ավելի քան 40 000 անգամ: Beeline-ը շարունակում է ընդլայնել մատուցվող ծառայությունների շրջանակը՝ փորձելով տրամադրել առավելագույն որակ, պարզություն և օգտագործման հարմարություն», - նշեց Հայաստանում Beeline-ի Կոմերցիոն տնօրեն Հայկ Կարապետյանը:
BeeTV բջջային անվճար հեռուստատեսության ծառայությունը գործում է առանց ինտերնետի տարիֆիկացման և հասանելի է հանրապետության ողջ տարածքում:
BeeTV ծառայությունը հասանելի է «Smart» և «Neo Max» կանխավճարային փաթեթների նոր և գործող բաժանորդներին: Ծառայությունից օգտվելու համար անհրաժեշտ է ներբեռնել BeeTV հավելվածը Play Market-ից կամ AppStore-ից և մուտքագրել լոգինն ու գաղտնաբառը: Նոր միացված բաժանորդներն ավտոմատ կերպով կստանան SMS հաղորդագրություն ծածկագրով և գաղտնաբառով, իսկ «Smart» և «Neo Max» ծառայությունների փաթեթների գործող բաժանորդները կարող են ստանալ մուտքային տվյալները՝ հավաքելով *818# հրահանգը:
Ավելին, ներբեռնելով BeeTV հավելվածը, օգտատերերը, անկախ իրենց բջջային օպերատորից կունենան բացառիկ հնարավորություն դիտելու 5 հանրային հեռուստաալիք և Ավրորա վիզուալ ռադիոալիքը բացարձակ անվճար՝ մուտք գործելով հավելված 2050 լոգինով և գաղտնաբառով մինչև 2017թ-ի դեկտեմբերի 31-ը ներառյալ: Բոլոր օպերատորների բաժանորդներն ինտերնետի համար կվճարեն ըստ իրենց սակագնային փաթեթի:
«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ:-0-
Ծանոթացեք լուրերին առաջինն ու քննարկեք դրանք մեր Telegram-ում
15:36 10.05.2017