Beeline–ի «SMS փաթեթ» ծառայության շրջանակում ծառայությունները Հայաստանում հասանելի են ընդհանուր ցածր գնով

ԵՐԵՎԱՆ, 13 փետրվարի. /ԱՌԿԱ/.  «ԱրմենՏել»  ընկերությունը (ապրանքանիշը Beeline) հայտարարում է, որ «SMS փաթեթ» ծառայության շրջանակում այսուհետ կարճ հաղորդագրություններ կարելի է ուղարկել ոչ միայն Beeline ցանցի ներսում, այլ նաև ՀՀ և ԼՂՀ բոլոր բջջային օպերատորների բաժանորդների համարներին, հայտնում է ընկերության մամուլի ծառայությունը։

«SMS փաթեթ» ծառայությունը հասանելի է Beeline կանխավճարային հաշվարկային համակարգի բաժանորդներին։ Այն նախատեսված է  կարճ հաղորդագրություններից հաճախ օգտվող հաճախորդների համար և հնարավորություն է տալիս նրանց ուղարկել SMS– հաղորդագրություններ բավականին ցածր սակագնով։

«Վերջին շրջանում «ԱրմենՏել» ընկերության ուշադրության կենտրոնում է գտնվում մեր ծառայությունների սոցիալական բաղադրիչը, և հերթական, հաճախորդների համար  շահավետ փոփոխությունն առնչվեց «SMS փաթեթ» ծառայությանը»,– նշեց «ԱրմենՏել» ընկերության Գլխավոր Տնօրեն Անդրեյ Պյատախինը:

«Այս ծառայությունն այժմ դարձավ ավելի պարզ և հասկանալի, իսկ ՀՀ և ԼՂՀ բոլոր բջջային օպերատորների բաժանորդների համարներին կարճ հաղորդագրություններ ուղարկելու հնարավորությունը դարձնում են «SMS փաթեթ» ծառայության ձեռք բերումը էլ ավելի գրավիչ, քանի որ այժմ մեր հաճախորդները կարող են ուղարկել հաղորդագրություններ բոլոր տեղական օպերատորների բջջային համարներին միասնական ցածր սակագնով»,- ասաց նա։

Հաղորդագրությունում նշվում է, որ Beeline բաժանորդներին հասանելի է երեք տեսակի փաթեթ. 50 SMS փաթեթ` 450 դրամով,  100 SMS փաթեթ` 750 դրամով և 300 SMS փաթեթ` 1500 դրամով։

«ԱրմենՏել» ՓԲԸ-ն (ապրանքանիշը` Beeline) հանդիսանում է «ՎիմպելԿոմ» ընկերությունների խմբի մի մասը: «ՎիմպելԿոմը» հանդիսանում է աշխարհի խոշորագույն ինտեգրված օպերատորներից մեկը, որն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման,  այնպես էլ լայնաշերտ ինտերնետ հասանելիության ծառայություններ։-0-

Ծանոթացեք լուրերին առաջինն ու քննարկեք դրանք մեր Telegram-ում

16:39 13.02.2014