Beeline-ը գործարկել է համացանցում անվտանգության կանոնների մասին էջը
ԵՐԵՎԱՆ, 16 մարտի. /ԱՌԿԱ/. Beeline-ն իր պաշտոնական կայքում գործարկել է բջջային ցանցում և համացանցում օգտատերերի անվտանգությանը նվիրված էջը, հայտնում է ընկերության մամուլի ծառայությունը:
Մասնավորապես, էջում նշված են Հայաստանում առավել տարածված ցանցային դրամաշորթության տեսակները և հանցագործների գործողություններից պաշտպանվելու միջոցները։
«Էջը կազմված է երեք բաժիններից, որոնք վերաբերում են անվտանգությանը՝ բջջային ցանցում, համացանցում, ինչպես նաև երեխաների անվտանգությանը», - նշվում է տարածած հաղորդագրությունում։
«Լինելով պատասխանատու օպերատոր՝ Beeline-ը մտահոգված է իր հաճախորդների անվտանգությամբ և ձգտում է զգուշացնել նրանց հնարավոր վտանգների մասին։ Մենք նաև մեծ նշանակություն ենք տալիս կիբերանվտանգությանը և ամեն միջոց ձեռնարկում ենք անձնական տվյալների պաշտպանության համար։ Սակայն կան վտանգներ, որոնցից բաժանորդները կարող են պաշտպանվել միայն ինքնուրույն, և մենք կարևոր ենք համարում պատրաստել նրանց, բացատրել, թե ինչպես պետք է վարվել այս կամ այն իրավիճակում», - նշեց Հայաստանում Beeline-ի գլխավոր տնօրեն Անդրեյ Պյատախինը։
Լրացուցիչ տեղեկատվություն կարող եք ստանալ www.beeline.am կայքում:
«ՎԵՈՆ Արմենիա» ՓԲԸ-ն (Beeline ապրանքանիշ) հանդիսանում է «ՎԵՈՆ» ընկերությունների խմբի մի մասը, որը հանդիսանում է աշխարհի խոշորագույն ինտեգրված օպերատորներից մեկը: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան 240 մլն. բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում: «ՎԵՈՆ» խմբի ընկերությունները ծառայություններ են մատուցում «Beeline», «Киевстар», «Wind», «Mobilink», «Banglalink» և «Djezzy» ապրանքանիշերի ներքո: Մանրամասներին կարելի է ծանոթանալ www.veon.com կայքում:-0-
Ծանոթացեք լուրերին առաջինն ու քննարկեք դրանք մեր Telegram-ում
15:19 16.03.2018
