Beeline-ը հայտարարել է 033 կոդով պրեմիում համարների առցանց վաճառքի մեկնարկի մասին
ԵՐԵՎԱՆ, 17 մայիսի. /ԱՌԿԱ/. Beeline-ը հայտարարում է 033 կոդով բջջային պրեմիում կարգի հեռախոսահամարների վաճառքի առաջին փուլի անցկացման մասին, հայտնում է ընկերության մամուլի ծառայությունը։
Ըստ հաղորդման, վաճառքի առաջին փուլը մեկնարկել է այսօր ժամը 12։00-ին և կավարտվի մայիսի 22-ին, ժամը 8։59։59-ին։
Առաջին 100 պրեմիում համարները տեղադրված են bid.beeline.am կայքում` ֆիքսված գնով։ Յուրաքանչյուր համար կվաճառվի այն հաճախորդին, ով առաջինը կդիմի այն գնելու համար։ Մայիսի 22-ի առավոտյան առաջին փուլը կավարտվի և այն հեռախոսահամարները, որոնք իրենց տերերին չեն գտնի առաջին փուլի ընթացքում, վաճառքի կդրվեն բաց առցանց աճուրդի միջոցով։
«Այս տարվա սկզբում Beeline-ը հայտարարեց, որ բջջային կապի հաճախորդների թիվը գերազանցել է մեկ միլիոնի շեմը։ Ավելի ու ավելի շատ հաճախորդներ Հայաստանում նախընտրում են Beeline-ը, և մենք ուրախ ենք բաժանորդներին առաջարկել նոր կոդով հեռախոսահամարներ։ Նշեմ, որ վաճառքները տեղի են ունենում մաքսիմալ թափանցիկ կերպով, և նույնիսկ «ամենագեղեցիկ» համարը ցանկացած անձ կարող է գնել։ Այժմ դա կարելի է անել ֆիքսված գնով, որից հետո կմեկնարկի աճուրդը»,– 033 կոդով հեռախոսահամարների վաճառքի մեկնարկին նվիրված մամուլի ասուլիսի ժամանակ ասաց Հայաստանում Beeline-ի գլխավոր տնօրեն Անդրեյ Պյատախինը։
Ավելի մանրամասն 033 կոդով պրեմիում համարների վաճառքի առաջին փուլի կանոններին կարելի է ծանոթանալ www.beeline.am կայքում։
«ՎԵՈՆ Արմենիա» ՓԲԸ-ն (Beeline ապրանքանիշ) «ՎԵՈՆ» ընկերությունների խմբի մի մասն է, որն աշխարհի խոշորագույն ինտեգրված օպերատորներից մեկն է: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան 240 մլն բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում: «ՎԵՈՆ» խմբի ընկերությունները ծառայություններ են մատուցում «Beeline», «Киевстар», «Wind», «Mobilink», «Banglalink» և «Djezzy» ապրանքանիշերի ներքո: Մանրամասներին կարելի է ծանոթանալ www.veon.com կայքում:–0–
Ծանոթացեք լուրերին առաջինն ու քննարկեք դրանք մեր Telegram-ում
14:03 17.05.2019