Beeline-ը հայտարարում է նոր ակցիայի անցկացման մասին
ԵՐԵՎԱՆ, 24 հոկտեմբերի. /ԱՌԿԱ/. Beeline-ը անցկացնում է նոր ակցիա Աբովյան 21-ի Վաճառքի և սպասարկման գրասենյակում, հաղորդում է ընկերության մամուլի ծառայությունը։
Աբովյան 21 հասցեում գտնվող Վաճառքի և սպասարկման գրասենյակում հոկտեմբերի 25-27 ներառյալ առաջին 100 հաճախորդները ցանկացած սմարթֆոն գնելիս կստանան «Բրոնզ», «Արծաթ», «Ոսկի» կարգի գեղեցիկ համարները 50 տոկոս զեղչով գնելու հնարավորություն։
«Մեր կենտրոնական Վաճառքի և սպասարկման գրասենյակներից մեկը, որը գտնվում է Աբովյան 21 հասցեում, որոշել է իր հաճախորդներին մատուցել հաճելի անակնկալ։ Այս երեք օրվա ընթացքում նրանք, ովքեր կօգտվեն մեր պարզ և հարմար պայմաններով սմարթֆոն գնելու առաջարկից, կստանան նաև հնարավորություն 50 տոկոս զեղչով ձեռք բերել մեր գեղեցիկ համարները», - նշել է Հայաստանում Beeline-ի գլխավոր տնօրեն Անդրեյ Պյատախինը:
Լրացուցիչ տեղեկություններ կարելի է գտնել www.beeline.am կայքում, կապվելով օպերատորների հետ Facebook-ում Beeline Armenia պաշտոնական էջի միջոցով կամ 0611 անվճար հեռախոսահամարով:
«ՎԵՈՆ Արմենիա» ՓԲԸ-ն (Beeline ապրանքանիշ) «Վեոն» ընկերությունների խմբի մի մասն է, որը աշխարհի խոշորագույն ինտեգրված օպերատորներից մեկն է։ Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան 235 մլն. բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղըզստանում, Լաոսում, Ալժիրում, Բանգլադեշում և Պակիստանում։ -0-
Ծանոթացեք լուրերին առաջինն ու քննարկեք դրանք մեր Telegram-ում
15:08 24.10.2017