Beeline–ը ՀՀ–ում կընդլայնի «Е1 այլընտրանքային» ՍՓ շրջանակում մատուցվող ծառայությունները
ԵՐԵՎԱՆ, 16 մարտի. /ԱՌԿԱ/. «ԱրմենՏել» ՓԲԸ–ն (Beeline ապրանքանիշ) առաջարկում է «Е1 այլընտրանքային» սակագնային նոր փաթեթ, որի շրջանակում ծառայությունները բաժանորդների համար ավելի հասանելի են, «ԱՌԿԱ» գործակալությանն ասաց ընկերության իրավաբանական տնօրեն Դավիթ Սանդուխչյանը։
Հայաստանի հանրային ծառայությունները կարգավորող հանձնաժողովի չորեքշաբթի կայացած նիստում հաստատեց «Е1 այլընտրանքային» սակագնային փաթեթի ներդրումը E1 կապուղում 2048 կբիթ/վրկ թողունակությամբ։
«Սակագնային փաթեթը գործում է բազմալիքային կապ օգտագործող բոլոր բաժանորդների, այսինքն, ձեռնարկությունների համար»,– ասաց Սանդուխչյանը։ Ըստ նրա, հիմնական փոփոխությունները կվերաբերեն բաժանորդավճարին, որը 152 հազար դրամից կիջնի մինչև 70 հազար դրամ։
«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ։ ($1 – 487,47 դրամ)։ -0-
Ծանոթացեք լուրերին առաջինն ու քննարկեք դրանք մեր Telegram-ում
17:07 16.03.2016