Beeline-ը պարգևատրվել է «Օրինապահ հարկ վճարողի» հավաստագրով
ԵՐԵՎԱՆ, 10 մարտի./ԱՌԿԱ/. Հայաստանի Հանրապետության կառավարությանն առընթեր պետական եկամուտների կոմիտեն պարգևատրել է Beeline-ին «Օրինապահ հարկ վճարողի» հավաստագրով, հաղորդում է Beeline ընկերության մամուլի ծառայությունը։
Պարգևատրման արարողությունը տեղի է ունեցել օրինապահ հարկ վճարողների հավաստագրերի հանձնման երկրորդ փուլի շրջանակում:
Հավաստագիրը վկայում է, այն մասին, որ ընկերությունը սահմանված կարգով և ժամկետներում հարկային մարմին էներկայացրել օրենսդրությամբ նախատեսված բոլոր հաշվարկները, հաշվետվությունները և լիովին կատարել է ՀՀպետական բյուջեի հանդեպ բոլոր պարտավորությունները:
«Իմ խորին շնորհակալություն եմ հայտնում պետական եկամուտների կոմիտեին մեր աշխատանքին բարձր գնահատակա տալու համար: Ցանկանում եմ նշել, որ հարկային պարտավորությունների բարեխիղճ կատարումը, պատասխանատու վերաբերմունքը ներդրումների և աշխատակիցների հանդեպ` ընկերության բարգավաճման ևզարգացման երաշխիքն է՝ ի շահ երկրի, հասարակության և մեր հաճախորդների», - նշել է Հայաստանում Beeline-ի գլխավոր տնօրեն Անդրեյ Պյատախինը:
Նշենք, որ սա Beeline-ի արդեն երրորդ մրցանակն է 2017թ.-ի ընթացքում:
Մասնավորապես, ընկերությունը պարգևատրվել է «Ոսկե Մրցանակ»-ով «ԵՎՐԱԶԵՍ» երկրների միջպետական մրցույթի շրջանակում, իսկ ավելի վաղ արժանացել է ՀՀ վարչապետի շնորհակալագրին:
«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ:-0-
Ծանոթացեք լուրերին առաջինն ու քննարկեք դրանք մեր Telegram-ում
16:09 10.03.2017