Beeline-ը շնորհավորում է վետերաններին Հաղթանակի օրվա առթիվ և հայտարարում է տոնական ակցիայի անցկացման մասին

ԵՐԵՎԱՆ, 8 մայիսի. /ԱՌԿԱ/. Beeline-ը շնորհավորում է Հայրենական Մեծ պատերազմի և Շուշիի ազատագրման առթիվ բոլոր վետերաններին և հայտարարում է տոնական ակցիայի անցկացման մասին, հաղորդում է ընկերության մամուլի ծառայությունը։

2017 թ. մայիսի 9-ին 00:00-ից մինչև 23:59-ն ընկած ժամանակահատվածում Beeline–ի ֆիքսված ցանցից դեպի ԼՂՀ, ԱՊՀ երկրներ, ինչպես նաև Վրաստան, Լատվիա, Լիտվա, Մոլդովա և Էստոնիա ֆիքսված և բջջային ցանցեր զանգերը կլինեն անվճար։

«Առաջին հերթին կցանկանայի շնորհավորել բոլոր վետերաներին Հաղթանակի օրվա առթիվ և շնորհակալություն հայտնել, որ ապրում ենք ազատ և խաղաղ երկնքի ներքո: Ավանդույթի համաձայն Beeline-ը պատրաստել է անակնկալ վետերանների և բաժանորդների համար նվիրված այս երկու պատմական մեծ հաղթանակներին`Հայրենական Մեծ պատերազմի և Շուշիի ազատագրման 25-ամյակին: Ակցիան հնարավորություն կտա մեր բաժանորդներին շնորհավորել իրենց հարազատներին, բարեկամներին ու զինակիցներին և կիսվել նրանց հետ տոնական ու հաղթական տրամադրությամբ», - նշել է Հայաստանում Beeline-ի գլխավոր տնօրեն Անդրեյ Պյատախինը:

Բացի այս ակցիայից, Beeline-ը Հաղթանակի օրվան նվիրված անցկացրեց «Ավելի քան 100 տարի միասին» իմիջային տեսահոլովակի շնորհանդեսը, որը նվիրված է Հայաստանում հեռախոսային կապի ստեղծմանը, բնակիչների կյանքին, երկրի և ընկերության պատմության կարևոր իրադարձություններին:

Հայաստանում Beeline-ի Կոմերցիոն տնօրեն Հայկ Կարապետյանն անցկացրեց իմիջային տեսահոլովակի շնորհանդեսը և նշեց, «100-ից ավելի տարիների ընթացքում մենք զարգացնում ենք Հայաստանի հեռահաղորդակցության ոլորտը. միասին հաղթահարել ենքխոչընդոտներ և հասել բազմաթիվ հաղթանակների։ Մենք հպարտ ենք, որ մեկ դար շարունակ պարգևում ենք մարդկանց շփման հաճույք. միասին կիսում ենք թե՛ ուրախության պահերը և թե՛ տխրության: Մեր կապը՝ ունենալով նաև ռազմավարական կարևոր նշանակություն, անցել է ժամանակի փորձություններով և չի ընդհատվել երկու աշխարհամարտերի և Արցախյան պատերազմի ընթացքում»:

«Ժամանակները փոխվում են, և մեզ հետ միասին փոխվում է կապի տեխնոլոգիաները: Beeline-ը հպարտորեն շարունակում է իր գործունեությունն որպես կապի առաջատար օպերատոր՝ ապահովվելով երկրի համար հուսալի հաղորդակցման միջոցներ, իսկ բնակիչների համար պարզ և հարմար ծառայություններ: Մենք միշտ քայլում ենք ժամանակին ընդառաջ՝ շարունակելով զարգացնել ժամանակակից տեխնոլոգիաները և տրամադրելով կապի արդիական ծառայություններ», - ամփոփեց Կոմերցիոն տնօրինության ղեկավարը:

Լրացուցիչ տեղեկատվություն կարող եք ստանալ www.beeline.am կայքում, հաղորդագություն ուղարկելով Facebook սոցիալական ցանցում Beeline Armenia պաշտոնական էջին, զանգահարելով 8070 անվճար համարին կամ մոտակա Beeline գրասենյակում:

«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ:-0-

Ծանոթացեք լուրերին առաջինն ու քննարկեք դրանք մեր Telegram-ում

18:01 08.05.2017