«ԱրմենՏելը» հայտարարում է «Զրուցենք» ծառայության գործարկման մասին
ԵՐԵՎԱՆ, 15 հուլիսի. /ԱՌԿԱ/. «ԱրմենՏել» ընկերությունը (ապրանքանիշը՝ Beeline) հայտարարում է «Զրուցենք» ծառայության գործարկման մասին, որը ֆիզիկական անձ հանդիսացող կանխավճարային հաշվարկային համակարգի բաժանորդներին հնարավորություն է ընձեռում 30 օր անսահմանափակ խոսել Beeline բջջային ցանցի ներսում՝ վճարելով 990 դրամ, հաղորդում է ընկերության մամուլի ծառայությունը:
Ծառայությունը կարելի է ակտիվացնել հավաքելով *888# հրահանգը։ Ծառայության տրամադրման 30 օրյա ժամկետի ավարտից 2 օր առաջ բաժանորդը SMS-ի միջոցով տեղեկացվում է ծառայության տրամադրման ժամկետի ավարտի մասին:
«Beeline-ը շարունակում է աշխատել իր կողմից մատուցվող ծառայություններն առավել պարզ և հարմար դարձնելու ուղղությամբ՝ միաժամանակ փորձելով դրանք դարձնել ավելի մատչելի։ Ակտիվացնելով «Զրուցենք» ծառայությունը՝ մեր բաժանորդները կարող են այլևս չանհանգստանալ զանգի տևողության կամ կատարվող զանգերի քանակի մասին։ Այս առաջարկը հարմարավետ է նաև այնքանով, որ մյուս բոլոր ծառայությունների տարիֆիկացումը կատարվում է բաժանորդի սակագնային փաթեթի պայմանների համաձայն», - նշել է «ԱրմենՏել» ընկերության գլխավոր տնօրեն Անդրեյ Պյատախինը։
Եթե բաժանորդն ունի բավարար գումար իր հաշվեկշռին, ապա ակտիվացումից 30 օր հետո ծառայությունն ավտոմատ կերպով կերկարաձգվի և բաժանորդի հաշվեկշռից կգանձվի 990 դրամ, որի դիմաց նա կստանա Beeline բջջային ցանցի ներսում անսահմանափակ խոսելու հնարավորություն ևս 30 օրով։ Ծառայության գործողության ժամկետը լրանալուց հետո, եթե բաժանորդի հաշվին չկա բավարար գումար, ապա ծառայությունը չի տրամադրվի ավտոմատ կերպով: Այն կրկին ակտիվացնելու համար բաժանորդը պետք է հավաքի *888# հրահանգը:
Ծառայության ապաակտիվացման համար անհրաժեշտ է ուղարկել 888*0# հրահանգը, իսկ գործողության ժամկետը կարելի է ստուգել *118# հրահանգի օգնությամբ:
Զրուցենք» ծառայությունը հասանելի է բոլոր կանխավճարային սակագնային փաթեթներին, բացառությամբ «Շարժական ինտերնետ» սակագնային փաթեթների:
«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ։–0–
Ծանոթացեք լուրերին առաջինն ու քննարկեք դրանք մեր Telegram-ում
17:29 15.07.2014