ԱրմենՏելը վիրուսների լայն տարածում է արձանագրել և բաժանորդներին կոչ է անում հակավիրուսային ծրագրեր տեղադրել
ԵՐԵՎԱՆ, 6 հոկտեմբերի. /ԱՌԿԱ/. «ԱրմենՏել» ՓԲԸ-ն (Beeline ապրանքանիշ) նշել է ինտերնետից օգտվողների շրջանում վիրուսների լայն տարածում ստանալը և բաժանորդներին կոչ է անում հակավիրուսային ծրագրեր տեղադրել, հաղորդեցին ընկերության մամուլի ծառայությունից:
«Վերջին օրերին մեր որոշ բաժանորդների մոտ, ովքեր օգտվում են Hi-Line ծառայությունից, նկատվում է ինտերնետի արագության նվազեցում։ Ամենայն հավանականությամբ, ինտերնետի արագության հետ կապված խնդիրները պայմանավորված են բաժանորդի համակարգչում վիրուսային ծրագրի առկայությամբ։ Վիրուսային այդ ծրագիրը վերջին մի քանի օրում լայն տարածում է ստացել ինտերնետից օգտվողների շրջանակում», - ասված է հաղորդագրությունում:
Այդ կապակցությամբ ընկերությունը բոլոր այն բաժանորդներն, ում մոտ առկա է այս խնդիրը, խորհուրդ է տալիս իրենց համակարգչում տեղադրել լիցենզավորված հակավիրուսային ծրագիր, կանոնավոր կերպով ստուգել հակավիրուսային բազայի թարմացումները և անցկացնել համակարգչի տվյալների ամբողջական զննում:
Ընկերությունը խորհուրդ է տալիս անցկացնել համակարգչում վիրուսների առկայության ամբողջական զննում Kaspersky Lab (http://www.kaspersky.ru/antivirus-removal-tool) ընկերության անվճար ծառայության օգնությամբ։
Հետագայում նմանատիպ խնդիրներից խուսափելու համար ընկերությունը խորհուրդ է տալիս` մշտապես թարմացնել բոլոր ծրագրային ապահովումները, Ինտերնետում չսեղմել կասկածելի թվացող հաղորդագրությունների կոճակները և չայցելել հղումներով, օգտագործել հուսալի գաղտնագիր, հոգ տանել անձնական տեղեկատվության անվտանգության մասին` տարբեր կայքերում օգտագործել տարբեր գաղտնագրեր:
Բացի այդ, ընկերությունը խորհուրդ է տալիս երբեք չտրամադրել գաղտնի տեղեկություններ, օրինակ, հաշվեհամար կամ գաղտնագիր` ի պատասխան էլեկտրոնային փոստով կամ սոցիալական ցանցով ստացած հաղորդագրության, անպայման մտածել` նախքան ընդունելը որևէ մեկի ընկերանալու հրավերը (սոցիալական ցանցեր), անծանոթ կայքերում որևէ հարցաթերթիկ չլրացնել:
Արմենտելը խորհուրդ է տալիս նաև օգտվել հուսալի հակավիրուսային ծրագրերից, պաշտպանել ձեր հաշիվները, ոչ ոքի չասել դրանց գաղտնագրերը, չայցելել հղումներով, որոնք առաջարկում են տեսնել որևէ կարևոր բան, օրինակ, լուսանկարները, էլեկտրոնային փոստում մուտքային նամակը բացելուց առաջ ստուգել ուղարկողի հասցեն, պաշտպանել անձնական տեղեկատվությունը. գաղտնագրերը չգրանցել թղթերի վրա ու չպահել համակարգչի մեջ:
«Beeline բաժանորդների սպասարկման ծառայությունը հասանելի է 24 ժամ և մշտապես պատրաստ է աջակցել մեր բաժանորդներին առաջացած հարցերը հնարավորինս սեղմ ժամկետում լուծելու համար», - ասված է հաղորդագրությունում:
«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ։–0– -
Ծանոթացեք լուրերին առաջինն ու քննարկեք դրանք մեր Telegram-ում
19:53 06.10.2014