Facebook-ը ստեղծել է տեղեկատվություն որոնելու համակարգ, որը կհեշտացնի լրագրողների աշխատանքը
ԵՐԵՎԱՆ, 18 սեպտեմբերի. /ԱՌԿԱ/. Facebook ընկերությունը ստեղծել է լրագրողների և ԶԼՄ–ների աշխատողների համար տեղեկատվություն որոնելու համակարգ, որը թույլ է տալիս հետևել հայտնի թեմաներին և նորություններին Facebook և Instagram սոցիալական ցանցերում, հաղորդում է ՏԱՍՍ–ը։
Հաղորդագրության համաձայն, նոր նախագիծը ստացել է Signal անվանումը։ Facebook գլոբալ մեդիայի և նորությունների բաժնի ղեկավար Էնդի Միթչելը հայտարարել է, որ «խոսքը գնում է տեղեկատվության մասին, որը ստացվում է սոցիալական ցանցերից»։
«Հաշվի առնելով մեր ցանցի մասշտաբը և դրանում առկա տեղեկատվության արժեքը` մենք մեր առաջ նպատակ ենք դրել հեշտացնել լրագրողների համար նման նյութեր ստանալու հասանելիությունը»,– նշել է նա։
Facebook–ն աշխարհում խոշորագույն սոցիալական ցանց է, որն ունի շուրջ 1,5 մլրդ օգտատեր։ Signal–ի շնորհիվ լրագրողները կարող են իրական ժամանակի ռեժիմով ստանալ մեկնաբանություններ, լուսանկարներ և տեսանյութեր, որոնք հրապարակվել են Facebook–ում և Instagram–ում ԶԼՄ–ների աշխատողները նոր համակարգից կարող են օգտվել հարցման միջոցով։
Ծանոթացեք լուրերին առաջինն ու քննարկեք դրանք մեր Telegram-ում
11:34 18.09.2015