Facebook-ը արգելել է օգտագործել օգտատերերի անձնական տվյալները լրտեսելու համար
ԵՐԵՎԱՆ, 14 մարտի. /ԱՌԿԱ/. Facebook ընկերության ղեկավարությունը արգելել է հավելված մշակող ընկերություններին լրտեսության նպատակով օգտագործել օգտատերերի մասին սոցիալական ցանցում պահվող տեղեկատվությունը:
Ինչպես հայտնում է gazeta.ru-ն, հղում անելով Associated Press-ին, նոր արգելքը վկայում է, որ մշակողները, ովքեր հավելվածներ ստեղծելու համար սոցիալական ցանցից ստանում են օգտատերերի տվյալները տեսնելու հնարավորություն, պարտավոր են պաշտպանել տեղեկատվությունը, որ ստանում են չթույլատրված մուտքի, օգտագործման կամ բացահայտման միջոցով:
Նշվում է, որ 2016 թ.-ի աշնանը Քաղաքացիական ազատության պաշտպանության ամերիկյան միությունը (ACLU) պարզել է, որ Facebook-ը և նրան պատկանող Instagram-ը Geofeedia ընկերությանը տվել են օգտատերերի անձնական էջերը տեսնելու հնարավորություն: Վերջինս իրավապահ մարմինների պատվերով զբաղվում է լրտեսության համար նախատեսված ապրանքների ստեղծմամբ: Ավելի ուշ երկու ընկերությունները դադարեցրել են Geofeedia-ին տրամադրել օգտատերերի մասին տեղեկատվությունը, սակայն մինչև վերջերս Facebook-ը չուներ քաղաքականությունը, որը կարգելեր հավելվածներ ստեղծող ընկերություններին օգտագործել սոցիալական ցանցերի տվյալները լրտեսության համար: -0-
Ծանոթացեք լուրերին առաջինն ու քննարկեք դրանք մեր Telegram-ում
12:49 14.03.2017