Հայ օգտատերերը և նոր «արձագանքները» Facebook-ում
ԵՐԵՎԱՆ, 29 փետրվարի. /ԱՌԿԱ/. Facebook սոցիալական ցանցը փետրվարի 24-ին ավելացրել է այլընտրանքային լայքերի գործառույթ, որոնք ստացել են «Արձագանքներ» անվանումը: Ցանցում տեղադրված յուրաքանչյուր գրառում այժմ կարելի է ոչ միայն «լայքել», այլ նաև «մեկնաբանել» «Հավանում եմ», «Սուպեր», «Հա-հա», «Տես, է», «Ափսոս» և «Վրդովվեցուցիչ է» «արձագանքների միջոցով»: Որտեղի՞ց այս ամենը և ինչու՞ է սա պետք, ամենը` հերթականությամբ:
Ինչու՞ հայտնվեցին «Արձագանքները»
Ցանցում բազմիցս հնչեցվել է սոցցանցերում գրառումների գնահատման թեման: «Լայքերը» միշտ չէ, որ արտահայտում են գրառման նկատմամբ օգտատիրոջ միանշանակ վերաբերմունքը: Պարզապես թեման հետաքրքի՞ր է: Համաձա՞յն ես եզրակացությունների հետ: Ափսոսանք ես հայտնու՞մ կատարվածի վերաբերյալ:
Բազմաթիվ օգտագործողներ դժգոհել են, որ որոշակի գրառումների տակ լայքերը տեղին չեն, օրինակ, լայքը շատ տարօրինակ է տխուր նորության դեպքում: Այնպես որ, գրառումները ստիպված ես լինում թողել առանց արձագանքի կամ մեկնաբանություններում գրել` «Ինչու՞ չկա` «չեմ հավանում կամ լայքի արժանի չէ» կոճակը»:
Ի՞նչ առաջարկեց Facebook-ը
Facebook-ի աշխատողները պնդում են, որ հսկայական աշխատանք են կատարել հանրության հետ և հասկացել են, թե ինչն է իսկապես նրան պակասում:
Պատկերները հասանելի են դարձել օգտատերերի համար ողջ աշխարհով: iOS և Android օպերացիոն համակարգող աշխատող սարքերի վրա սոցցանցի հավելվածում սմայլերի նոր տեսականին տեսնելու համար պետք է սեղմել լայքի սիմվոլը և մի փոքր պահել կուրսորն էկրանին: Դրանից հետո, բացի լայքից, կարելի է ընտրել սեր, ծիծաղ, զարմանք, թախիծ և բարկություն արտահայտող պատկերներ: Դեսքթոփային տարբերակում ժպիտները հայտնվում են լայքի նշանի վրա կուրսորն ուղղելիս:
«Արձագանքների» առաջին թեստավորումները սկսվել են 2015 թվականի հոկտեմբերին: Ինչպես հայտնում են Facebook-ում, ընկերությունն ավելի քան մեկ տարի գլոբալ հետազոտություններ է անցկացրել պարզելու համար, թե օգտատերերը որ սմայլերն են նախընտրում ամենից շատ:
Ջերմ ընդունելություն Հայաստանում
Չնայած, որ «Չեմ հավանում» կոճակն այդպես էլ չհայտնվեց, օգտատերերը բավականին ակտիվ ընդունեցին նոր սմայլերի հայտնվելը: Գործնականորեն բոլոր գրառումների տակ սկսեցին հայտնվել զանազան զգացումներ արտահայտող սմայլեր:
Ինչպես կարծում են փորձագետները, դեռ երկար ժամանակ ավանդական «լայքերն» են գերակշռելու, սակայն ինչպես կլինի իրականում` ցույց կտա միայն ժամանակը կամ Facebook-ի նոր լուծումները:
--0--
Ծանոթացեք լուրերին առաջինն ու քննարկեք դրանք մեր Telegram-ում
19:10 29.02.2016