Հայաստանի ազգային օլիմպիական հավաքականի մարզիկների երկրորդ խումբը մեկնեց Ռիո դե Ժանեյրո Ucom-ի հովանավորությամբ
ԵՐԵՎԱՆ, 26 հուլիսի. /ԱՌԿԱ/. Ucom ընկերության հովանավորությամբ Հայաստանի ազգային օլիմպիական հավաքականի երկրորդ խումբն այսօր ուղևորվեց դեպի այս տարվա օլիմպիական մայրաքաղաք՝ Ռիո դե Ժանեյրո, հաղորդում է Ucom–ի մամուլի ծառայությունը։
Բռնցքամարտիկները հավաքականի գլխավոր մարզիչ Կարեն Աղամալյանի, հրաձիգ Հրաչիկ Բաբայանը՝ գլխավոր մարզիչ Սեյրան Նիկողոսյանի ուղեկցությամբ, ինչպես նաև սպասարկող կազմի մի քանի անդամներ Երևան-Դոհա-Ռիո չվերթով մեկնեցին գլխավոր սպորտային ստուգատեսին, նշվում է հաղորդագրության մեջ:
Պատվիրակության հետ Ռիո մեկնեց նաև ծանրամարտի Հայաստանի հավաքականի անդամ Առաքել Միրզոյանը:
Մարզիկների հարազատների հետ միասին հայկական օլիմպիական թիմին ճանապարհելու էին եկել նաև ՀՀ սպորտի և երիտասարդության հարցերի նախարար Գաբրիել Ղազարյանը և Ucom ընկերության գլխավոր տնօրեն Հայկ Եսայանը:
«Ազգային օպերատորի աջակցությամբ Ռիո մեկնած ազգային օլիմպիական հավաքականի ելույթներին բոլորս ենք հետևելու և համոզված եմ, որ շատերը վերադառնալու են բրոնզե, արծաթե և, անկասկած, ոսկե մեդալներով: Մենք հավատում ենք մեր մարզիկների տոկունությանը և միայն հաջողություն ենք մաղթում», - նշել է Ucom ընկերության գլխավոր տնօրեն Հայկ Եսայանը։ -0-
Ծանոթացեք լուրերին առաջինն ու քննարկեք դրանք մեր Telegram-ում
15:30 26.07.2016
