Հայկական Beeline-ը սմարթֆոնների վաճառքի նախատոնական ակցիա է անցկացնում

ԵՐԵՎԱՆ, 1 դեկտեմբերի. /ԱՌԿԱ/. Beeline-ը հայտարարում է սմարթֆոնների վաճառքի նախատոնական ակցիայի անցկացման մասին։

«2016թ–ի դեկտեմբերի 1-ից մինչև 2017թ–ի փետրվարի 1-ը հաճախորդները կարող են ձեռք բերել երկու ժամանակակից Beeline Smart 8 սմարթֆոններ շահավետ, տոնական գնով, և երկրորդ հեռախոսի համար լրացուցիչ զեղչով», - հաղորդում է ընկերության մամուլի ծառայությունը։

Ինչպես նշել է Հայաստանում Beeline-ի գլխավոր տնօրեն Անդրեյ Պյատախինը, Beeline Smart 8 հեռախոսը ընկերության սմարթֆոնների տեսականու վերջին մոդելն է և, շնորհիվ տոնական ակցիայի, հաճախորդները կարող են ձեռք բերել երկու սմարթֆոն շատ գրավիչ պայմաններով։

«Ամանորի նախաշեմին Beeline-ը հաճախորդներին հնարավորություն է ընձեռում նվիրել արդիական և ժամանակակից սմարթֆոն ոչ միայն իրենց, այլ նաև` իրենց ընկերներին և սիրելիներին», - նշել է նա` Beeline-ի նոր գրասենյակի բացման ընթացքում:

2016թ–ի դեկտեմբերի 1-ից մինչև 2017թ–ի փետրվարի 1-ը նույն անձնագրով երկու Beeline Smart 8 սմարթֆոն գնելիս առաջին հեռախոսը տրամադրվում է 25900 դրամով (ներառյալ ԱԱՀ), որը ներառում է ամսական 500 ներցանցային րոպե և 500 ՄԲ։ Փաթեթը տրամադրվում է մեկ տարվա համար։

Իսկ երկրորդ հեռախոսը տրամադրվում է 30 տոկոս զեղչով և «Հարմար» և «Զրուցենք» փաթեթներին մեկ ամսով պարտադիր միացմամբ: Beeline Smart 8 հեռախոսի գնումը կարելի է ձևակերպել ապառիկ:

Ակցիայի մասին տեղեկատվություն կարելի է ստանալ www.beeline.am կայքից, Facebook-ում Beeline Armenia-ի էջում օպերատորի հետ կապվելով, զանգահարելով 0611 անվճար հեռախոսահամարին կամ այցելելով Beeline–ի մոտակա գրասենյակ:

Beeline-ի վաճառքի եւ սպասարկման նոր գրասենյակը, որև գտնվում է Երեւանի Աբովյան փողոց 21 հասցեում, աշխատում է ամեն օր ժամը 10:00-ից մինչև 20:00` առանց հանգստյան օրերի և ընդմիջման:

«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ:-0-

Ծանոթացեք լուրերին առաջինն ու քննարկեք դրանք մեր Telegram-ում

16:02 01.12.2016