Հայտնի են «Ռոստելեկոմի» վանաձորյան խաղարկության հաջողակների անունները
ԵՐԵՎԱՆ, 29 դեկտեմբերի. /ԱՌԿԱ/. Դեկտեմբերի 27-ին «Ռոստելեկոմն» ամփոփել է Վանաձորի գրասենյակում անցկացվող «Ստացիր քո սմարթֆոնը կամ պլանշետը» խաղարկության արդյունքները, հայտնում է ընկերության մամուլի ծառայությունը։
Ինչպես հաղորդում է ընկերության մամուլի ծառայությունը, խաղարկությունն անց էր կացվում բոլոր անձանց միջև, ովքեր նոյեմբերի 6-ից մինչև դեկտեմբերի 15-ն ընկած ժամանակահատվածում բաժանորդագրվել էին Վանաձորի՝ Տիգրան Մեծ փողոցի նորաբաց վաճառքի և սպասարկման սրահում։
Վիճակահանության արդյունքում, որն անցկացվում էր 24 բաժանորդագրված անձանց միջև, 4 hաջողակները ստացան պլանշետներ և հեռախոսներ։
Վանաձոր քաղաքում՝ Տիգրան Մեծ պողոտա 20 հասցեում, «Ռոստելեկոմ» ընկերության արդի վաճառքի և սպասարկման սրահը (ՎՍՍ) պաշտոնապես գործում է նոյեմբերի սկզբից։
««Ռոստելեկոմը» երևանյան և մարզային բաժանորդներին շարունակելու է անակնկալներ մատուցել և դրական տրամադրություն ապահովել ողջ տարվա ընթացքում», - նշվում է հաղորդագրության մեջ։
«Ռոստելեկոմ» ԲԲԸ–ի հայկական դուստր ընկերությունը` «GNC-ALFA» ՓԲԸ–ն, 2012 թ.–ի դեկտեմբերից սկսել է կապի ծառայություններ մատուցել Հայաստանի տարածքում Rostelecom ապրանքանիշի ներքո։
Ընկերության օպտիկամանրաթելային ցանցը ծածկում է Հայաստանի տարածքի 80 տոկոսն` ավելի քան 2500 կմ ընդհանուր երկարությամբ։ Ցանցը միացված է հիմնական տարածաշրջանային մայրուղային ցանցերին և տրաֆիկի փոխանակման խոշոր հանգույցներին, ինչպես նաև Վրաստանի և Իրանի տարածքով անցնող միջազգային խողովակներին։ -0-
Ծանոթացեք լուրերին առաջինն ու քննարկեք դրանք մեր Telegram-ում
17:49 29.12.2016
