Honda–ն մինչև 2020 թվականն ինքնակառավարվող ավտոմեքենա է ծրագրում ստեղծել
ԵՐԵՎԱՆ, 27 հոկտեմբերի. /ԱՌԿԱ/. Honda Motor ճապոնական ավտոկոնցեռնը հայտարարել է մինչև 2020 թվականն ինքնակառավարվող ավտոմեքենաների ստեղծման մտադրությունների մասին, հայտնում է ՓՐԱՅՄԸ` հղում անելով ճապոնական Կիոդո լրատվական գործակալությանը։
Ավտոմեքենաները զինված կլինեն խցիկներով, ռադարով և արբանյակային նավիգացիայի համակարգերով։ Ավտոսիրողները կկարողանան ձեռք բերել մեքենաներ, որոնք առանց վարորդի կպահպանեն շարքը ճանապարհներին և կպահեն մեքենաների միջև հեռավորությունը, ինչպես նաև կկարողանան գնալ վճարովի կայանատեղիներ և դուրս գալ այդտեղից։
Ավելի վաղ մինչև 2020 թվականն ինքնակառավարվող ավտոմեքենաների թողարկման մասին հայտարարել էին նաև ավտոարտադրողներ Toyota–ն և Nissan–ը։ -0-
Ծանոթացեք լուրերին առաջինն ու քննարկեք դրանք մեր Telegram-ում
14:41 27.10.2015
