Microsoft–ը տվյալների ստորջրյա կենտրոն է թեստավորել
ԵՐԵՎԱՆ, 5 փետրվարի. /ԱՌԿԱ/. Microsoft Corp. Ամերիկյան սոֆթվերային հսկան տվյալների ստորջրյա կենտրոն է թեստավորել, հայտնում է Ինտերֆաքսը` հղում անելով BBC–ին։
«Լեոնա Ֆիլփոթ» (Halo համակարգչային խաղի կերպարի անունը) անվանումով տվյալների կենտտոնը տեղակայվել է ԱՄՆ–ի խաղաղօվկիանոսյան ափից 1 կմ հեռավորության վրա 9 մետր խորության վրա, որտեղ այն գործել է 105 օր։ Նշվում է, որ փորձարկման արդյունքները գերզանցել են Microsoft–ի ակնկալիքները։
Microsoft–ի ներկայացուցիչների խոսքով, տվյալների կենտրոնների տեղակայումը ջրի տակ կարող է էապես կրճատել դրանք սառեցնելու համար պահանջվող էլեկտրաէներգիայի ծախսերը։ Որոշ տվյալներով, տվյալների կենտրոնները սպառում են աշխարհում արտադրվող էլեկտրականության մինչև 3 տոկոսը։ Եթե ստորջրյա կենտրոնները հաջողվի միավորել վերականգնվող էներգիայի օֆշորային աղբյուրների հետ, ապա հնարավոր կլինի կրճատել դրանց աշխատանքի հետ կապված վնասակար նյութերի արտանետումները մթնոլորտ մինչև զրո, նշում են ընկերությունում։
Microsoft–ը հույս ունի, որ ժամանակի ընթացքում կկարողանա տվյալների այնպիսի կենտրոն ստեղծել, որն ընդունակ կլինի ավտոնոմ ռեժիմով աշխատել հինգ տարի։ -0-
Ծանոթացեք լուրերին առաջինն ու քննարկեք դրանք մեր Telegram-ում
13:15 05.02.2016