Microsoft–ը պատմել է Edge նոր բրաուզերի արդիականացման մասին
ԵՐԵՎԱՆ, 29 սեպտեմբերի. /ԱՌԿԱ/. Microsoft–ը պատմել է, թե ինչ նորարարություններ է ծրագրում կատարել իր նոր Edge բրաուզերում, գրում է Cnews–ը։ Ինչպես կորպորացիայի բլոգում հայտնել է Microsoft–ի ներկայացուցիչ Սինտիա Շելին (Cynthia Shelly), բոլոր փոփոխությունները վերաբերում են Windows–ի հատուկ հնարավորություններին, այդ թվում` Microsoft Edge իր բրաուզերում հատուկ հնարավորությունների հասանելիությանը։
Մասնավորապես, այս պահին աշխատանքի հիմնական մասը նվիրված է էկրանային հաղորդավարի ինտեգրմանը բրաուզերում։ Դրա գործառույթը որոնողական հարցման, որոնողական հավանական համադրությունների և բրաուզերի այլ գրառումների ձայնային վերարտադրումն է։
Microsoft Edge–ը տեղափոխվել է ծրագրավորման (API) նոր ինտերֆեյսի վրա Windows–ի հատուկ հնարավորությունների` էկրանի խոշորացույցի, էկրանի դիկտորի և էկրանի ստեղնաշարի հետ փոխգործակցելու համար։ Նոր API–ը կոչվում է UI Automation (UIA), պատմել է Շելլին։
Նոր API–ն Windows Vista հետ հայտնվել է 2005 թվականին և եկել է փոխարինելու հնացած Microsoft Active Accessibility–ին (MSAA)։ Չնայած դրան` Internet Explorer ստեղծողները բրաուզերի մեջ այդպես էլ չկարողացան փոխարինել հին API–ն նորով, թեև այդ անցումը նշված էր ճանապարհային քարտեզում։
Նոր API–իի անցնելու շնորհիվ, Microsoft Edge հատուկ հնարավորությունները ստացել են ինտերֆեյսի` ավելի մեծ թվով տարրերի հասանելիություն և սկսել են ավելի արագ աշխատել։
Microsoft Edge–ը Microsoft կորպորացիայի նոր վեբ–բրաուզերն է։ Այն հասանելի է Windows 10–ում։ Edge փոխարինում է Internet Explorer–ին, սակայն վերջինս օպերացիոն համակարգում առաջվա պես առկա է այն դեպքերի համար, երբ որոշակի վեբ հավելվածներ կամ կայքեր կարող են չաշխատել նոր ծրագրում։
Edge–ն ամբողջովին նոր բրաուզեր է։ Այն հիմնված է EdgeHTML նոր շարժիչի վրա, ունի նոր գրաֆիկական ինտերֆեյս և մի շարք նոր ֆունկցիաներ, օրինակ` ներկառուցված Cortana ձայնային օգնական և անմիջապես վեբ էջում թվային գրիչի օգնությամբ գրառումներ կատարելու հնարավորություն, եթե խոսքը գնում է սենսորային էկրան ունեցող պլանշետի մասին։
Edge բրաուզերն աշխատում է միայն Windows–ում։ Այլ հարթակի օգտատերերը կարող են փորձել նոր բրաուզերը, սակայն դրա համար նրանց անհրաժեշտ կլինի տեղադրել նոր Windows 10։
-0-
Ծանոթացեք լուրերին առաջինն ու քննարկեք դրանք մեր Telegram-ում
12:09 29.09.2015