Orange-ի հայ բաժանորդները կստանան 30 րոպե անվճար խոսելաժամանակ Libon տեղադրելու դեպքում

ԵՐԵՎԱՆ, 6 օգոստոսի. /ԱՌԿԱ/. Orange Արմենիա ընկերությունն իր հաճախորդներին առաջարկում է միջազգային զանգերի 30 րոպե անվճար խոսելաժամանակ Orange Vallee–ի Libon հավելվածի տեղադրման դեպքում, հինգշաբթի մամուլի ասուլիսում ասել է  Orange Armenia–ի գլխավոր տնօրեն Ֆրանսիս Ժելիբտերը։

«Libon–ը հաճախորդների` սմարթֆոնների տերերի համար բջջային հավելված է, որն աշխատում է iOS և Android օպերացիոն համակարգերի հիման վրա։ Այդ հավելվածը թույլ կտա շփվել ամբողջ աշխարհի հետ, այն ընկերների և բարեկամների, ովքեր ունեն Libon և նրանց հետ, ովքեր դեռ չեն հասցրել այն բեռնել»,– ասաց Ժելիբտերը։

Նա նշեց, որ հավելվածը, որն ամբողջ աշխարհով արդեն ունի մի քանի տասնյակ հազարավոր օգտագործողներ, կարելի է բեռնել libon.am կայքում։

Orange Արմենիայի ղեկավարն ավելացրել է նաև, որ հավելվածի օգտագործողները կկարողանան կատարել բարձր որակի զանգեր, մասնավորապես, Ռուսաստան, Ֆրանսիա, Իսպանիա, ԱՄՆ։

Անվճար րոպեները հասանելի են 30 բեռնումից հետո օրվա ընթացքում Orange գործող բաժանորդների և նրանց համար, ովքեր Orange–ին կմիանան մինչև 2015 թվականի սեպտեմբերի 30–ը։

Libon–ն iPhone–ների և Android–ով աշխատող սմարթֆոնների անվճար հավելված է։ Համեմատաբար նոր, բայց արդեն տարածում գտած հավելվածն օգնում է կատարել անվճար զանգեր, տեքստային և ձայնային հաղորդագրություններ աշխարհի ցանկացած երկիր։ Հավելվածը հասանելի է հետևյալ լեզուներով` ռուսերեն, անգլերեն, արաբերեն, հոլանդերեն, իսպաներեն, իտալերեն, գերմաներեն, լեհերեն, պորտուգալերեն, ռումիներեն, սլովակերեն, ֆրանսերեն։

«Orange Armenia»–ն France Telecom–ի (ապրանքանիշը`Orange) 100%–նոց դուստր ընկերությունն է, հայկական շուկա է մտել 2009 թվականի նոյեմբերի 5–ին` ապահովելով ցանցի 95 տոկոսանոց ծածկույթ և բջջային ցանցի և Համացանցի հասանելիություն հանրապետության 600 համայնքներում (քաղաքներում և գյուղերում)։-0-

Ծանոթացեք լուրերին առաջինն ու քննարկեք դրանք մեր Telegram-ում

14:43 07.08.2015