Orange Armenia–ն ցանկացած աշխատող բջջային հեռախոսի դիմաց նոր սմարթֆոն կտա

ԵՐԵՎԱՆ, 20 օգոստոսի. /ԱՌԿԱ/. Orange Armenia բջջային օպերատորի «Հայաստանի սմարթֆոնիզացիա» ակցիայի շրջանակում յուրաքանչյուր ոք կարող է Orange Armenia խանութներից մեկում իր հին բջջային հեռախոսը փոխարինել նոր սմարթֆոնով, չորեքշաբթի հայտնեց Orange Armenia–ի հաղորդակցությունների և ապրանքանիշի զարգացման գծով տնօրեն Արամ Մկրտչյանը։

Ըստ նրա, ակցիայի շրջանակում յուրաքանչյուր ցանկացող կարող է բերել իր հին, բայց գործող բջջային հեռախոսը և Alcatel Pixi 2 սմարթֆոնը 50 տոկոսանոց զեղչով` ընդամենը 29900 դրամով գնելու հնարավորություն ստանալ` կանխավճարային ցանկացած սակագնային պլանի կամ «Արծիվ» ՍՊ–ի ամսական բաժանորդագրման դեպքում։

Միաժամանակ, հեռախոսի կամ դրա մոդելի արտադրության թվի որևէ սահմանափակում չկա, հիմնական պահանջն այն է, որ հեռախոսը կոտրված չլինի և լիարժեք գործի։

Նա նշեց, որ կանխավճարային համակարգի բաժանորդներին տրվող զեղչից բացի, մեկ տարով կտրամադրվի բջջային ինտերնետի փաթեթ` ամսական 100 ՄԲ–ի չափով։

Մկրտչյանը նշեց նաև, ամսական բաժանորդագրություններ նախընտրող բաժանորդները «սմարթֆոն կես գնով» առաջարկից օգտվելուց բացի կստանան նաև պլանշետ՝ նվեր ընտանիքի անդամներից մեկի համար: Առաջարկը հասանելի կլինի Orange-ի Դելֆին, Պանտերա կամ Թիթեռ 4000 և բարձր ամսական բաժանորդագրություններին 24 ամսով բաժանորդագրվելու դեպքում:

«Սա աննախադեպ ակցիա է հայկական շուկայի համար, որի շնորհիվ մենք սմարթֆոնն ավելի հասանելի ենք դարձնում բնակչության լայն զանգվածների համար։ Փաստորեն, սմարթֆոնն այլևս շքեղության պարագա չի լինի, և ցանկացած մարդ կարող է օգտվել դրանից»,– ասաց նա։

Ինչ վերաբերում է ընկերությանը հանձնած հին հեռախոսներին, ապա, Մկրտչյանի խոսքով, դրանք կվերականգնվեն և կիրացվեն Հայաստանի սահմաններից դուրս, այն երկրներում, որտեղ Orange–ը ներկայացուցչություն ունի, և որտեղ բաժանորդների գնման հնարավորություններն ավելի ցածր են։

Հին USB-մոդեմները նորերով փոխարինելով նմանատիպ ակցիա էլ ընկերությունն անցկացրել է երկու տարի առաջ։

Ֆրանս Տելեկոմ Խմբի անդամ Օրանժ Արմենիան Հայաստանում շարժական հեռախոսակապի և ինտերնետի ծառայություններ է մատուցում 2009թ. նոյեմբերի 5-ից: Ընկերությունը Հայաստանում մինչ օրս կատարել է մոտ 250 միլիոն եվրոյի ներդրումներ (ներառյալ` լիցենզիայի ձեռքբերման համար) և արդեն ապահովում է բջջային կապի ու լայնաշերտ շարժական ինտերնետի հասանելիությունը Հայաստանի 600 քաղաքներում և գյուղերում` բնակչության ավելի քան 95% տոկոսին: -0-

Ծանոթացեք լուրերին առաջինն ու քննարկեք դրանք մեր Telegram-ում

16:10 20.08.2014