Orange Armenia–ի SMS-վիկտորինայի հաղթողն «Orange Warsaw Festival 2014» երաժշտական փառատոնի ուղեգիր է ստացել
ԵՐԵՎԱՆ, 12 հունիսի. /ԱՌԿԱ/. Orange-ի «Բարև Վարշավա» SMS վիկտորինայի արդյունքում հաղթող ճանաչված Վահագն Մինասյանը կմեկնի «Orange Warsaw Festival 2014» երաժշտական փառատոնին, հայտնում է ընկերության մամուլի ծառայությունը։
Հաղթողը Orange-ից ստացավ ուղեգիր երկու անձի համար, որը ներառում է ինքնաթիռի տոմսեր դեպի Վարշավա, հյուրանոցի ամրագրում և փառատոնի մուտքի տոմսեր:
«Այսօր մենք շատ ուրախ ենք հաղթանակի կապակցությամբ շնորհավորել Վահագնին և նրան ընձեռել «Orange Warsaw Festival 2014» երաժշտական փառատոնին իր ընկերոջ հետ միասին ներկա գտնվելու և համաշխարհային ճանաչում ունեցող աստղերի կենդանի կատարումները վայելելու եզակի հնարավորություն»,– ասաց Orange Armenia–ի մարքեթինգի տնօրեն Արամ Մկրտչյանը։
«Բարև, Վարշավա» SMS–վիկտորինայի մասնակցության համար Orange բաժանորդներն «Orange» բառով կարճ հաղորդագրություն էին ուղարկում 1049 կարճ համարին և վիկտորինայի հարցեր ստանում։ Յուրաքանչյուր ճիշտ պատասխանի համար բաժանորդը 1 միավոր է ստանում։ Մեկ SMS–ի արժեքը 150 դրամ է։ Հաղթողը որոշվում է հավաքած միավորների առավելագույն թվով։
Մկրտչյանի խոսքով, տարիների ընթացքում Orange Warsaw երաժշտական փառատոնը դարձել է Եվրոպայի կարևորագույն մշակութային իրադարձություններից մեկը, և ընկերությունը շատ ուրախ է իր բաժանորդներին հնարավորություն ընձեռել ավելի մոտ լինել իրենց սիրելի կատարողներին:
«Այն բաժանորդները, ովքեր փառատոնին անձամբ ներկա գտնվել չեն կարողանա, այս տարի կկարողանան իրենց սմարթֆոնների, պլանշետների կամ համակարգիչների միջոցով ուղիղ եթերով առցանց հեռարձակմամբ հետևել փառատոնի ամենակարևոր ելույթները, զգալ փառատոնի շունչը և վայելել երաժշտական աշխարհի մի շարք հանրահայտ ներկայացուցիչների կենդանի կատարումները՝ տանը, թե դրսում», - ասաց Մկրտչյանը։
Լինելով Լեհաստանում անցկացվող խոշորագույն մշակութային իրադարձություններից մեկը՝ այս փառատոնը հյուրընկալում է երաժշտական ասպարեզի մի շարք աշխարհահռչակ ներկայացուցիչների: Այս տարի փառատոնը տեղի կունենա հունիսի 13-ից 15-ը: Փառատոնին իրենց մասնակցությունը կունենան David Guetta, Snoop Dogg, Outkast, The Prodigy, Limp Bizkit, The Kooks, The Wombats, Lily Allen, Kings Of Leon, Queens Of The Stone Age, Kasabian, Pixies, Florence + The Machine և այլ աշխարհահռչակ կատարողներ:
«Orange Warsaw Festival» երաժշտական փառատոնը այս տարի առաջին անգամ ուղիղ առցանց հեռարձակմամբ հասանելի է լինելու Եվրոպական 8 երկրների երաժշտասեր հանրությանը, այդ թվում նաև Հայաստանում` այդ նպատակով հատուկ հայաֆիկացված http://musiclive.orange.com/hy կայքի միջոցով: Orange-ի բաժանորդները փառատոնին կարող են հետևել նաև «Իմ Orange» հավելվածի միջոցով:
Ֆրանս Տելեկոմ Խմբի անդամ Օրանժ Արմենիան Հայաստանում շարժական հեռախոսակապի և ինտերնետի ծառայություններ է մատուցում 2009թ. նոյեմբերի 5-ից: Ընկերությունը Հայաստանում մինչ օրս կատարել է մոտ 250 միլիոն եվրոյի ներդրում (ներառյալ` լիցենզիայի ձեռքբերման համար) և արդեն ապահովում է բջջային կապի ու լայնաշերտ շարժական ինտերնետի հասանելիությունը Հայաստանի 600 քաղաքներում և գյուղերում` բնակչության ավելի քան 95% տոկոսին: --0—
Ծանոթացեք լուրերին առաջինն ու քննարկեք դրանք մեր Telegram-ում
18:24 12.06.2014
