Orange Armenia անսահմանափակ ինտերնետի ծառայությունը հասանելի է դարձել կանխավճարային բոլոր բաժանորդների համար

ԵՐԵՎԱՆ, 15 մայիսի. /ԱՌԿԱ/. Orange Armenia բջջային օպերատորը բջջային անսահմանափակ ինտերնետ ծառայությունը հասանելի է դարձրել կանխավճարային բոլոր բաժանորդների համար, հինգշաբթի լրագրողներին ասաց ընկերության գլխավոր տնօրեն Ֆրանսիս Ժելիբտերը։

«Orange հաշվարկների կանխավճարային համակարգի բոլոր բաժանորդները հնարավորություն կունենան օգտվել անսահմանափակ բջջային ինտերնետի ծառայությունից իրենց բջջային հեռախոսներով անկախ սակագնային փաթեթից»,– ասաց Ժելիբտերը։

Ծառայության միացման արժեքը կազմում է օրական 100 դրամ` 256 կբ/վ միացման արագությամբ։

Միաժամանակ, գլխավոր տնօրենի խոսքով, ընկերությունը զգալիորեն ընդլայնել է ցանցի ներսում անսահմանափակ զանգերի կատարման հնարավորությունները։

Ֆրանս Տելեկոմ Խմբի անդամ Օրանժ Արմենիան Հայաստանում շարժական հեռախոսակապի և ինտերնետի ծառայություններ է մատուցում 2009թ. նոյեմբերի 5-ից: Ընկերությունը Հայաստանում մինչ օրս կատարել է մոտ 250 միլիոն եվրոյի ներդրում (ներառյալ` լիցենզիայի ձեռքբերման համար) և արդեն ապահովում է բջջային կապի ու լայնաշերտ շարժական ինտերնետի հասանելիությունը Հայաստանի 600 քաղաքներում և գյուղերում` բնակչության ավելի քան 95% տոկոսին: --0—

Ծանոթացեք լուրերին առաջինն ու քննարկեք դրանք մեր Telegram-ում

16:24 15.05.2014