Orange Armenia ընկերությունը կանանց տոների կապակցությամբ առաջարկում է ինտերնետի կրկնակի ծավալ
ԵՐԵՎԱՆ, 6 մարտի. /ԱՌԿԱ/. Orange Armenia ընկերությունը կանանց տոների կապակցությամբ երկարացնում է կրկնակի ինտերնետի առաջարկը, երեքշաբթի «ԱՌԿԱ» գործակալությանը տեղեկացրեցին ընկերության մամուլի ծառայությունից:
«Մինչև ապրիլի 7-ը, բոլոր նրանք, ովքեր մեկ տարով կբաժանորդագրվեն Ինտերնետ Հիմա 9000, 11000, 20000 կամ MyFi 10000, 12000, 21000 սակագնային պլաններից որևէ մեկին կամ մեկ տարով կերկարացնեն իրենց առկա բաժանորդային պայմանագիրը, հաջորդ 12 ամիսների ընթացքում կստանան գերարագ ինտերնետի կրկնակի ծավալ և նույնիսկ կկարողանան այն կիսել մտերիմների հետ», - նշվում է տեղեկատվության մեջ:
Ամբողջ «կանանց ամսվա» ընթացքում, ի հավելումն կրկնակի ծավալի` Orange ինտերնետի բոլոր բաժանորդները կարող են ստանալ նաև Ինտերնետ Միասին ծառայության երկու հավելյալ SIM քարտ մեկի գնով:
Բոլոր աղջիկներն ու կանայք, ովքեր մարտի 8-ին ձեռք կբերեն ինտերնետի բաժանորդագրություն, կստանան նաև նվեր` 2GB USB հիշողության կրիչ:
Ֆրանս Տելեկոմ Խմբի անդամ Օրանժ Արմենիան Հայաստանում շարժական հեռախոսակապի և ինտերնետի ծառայություններ է մատուցում 2009թ. նոյեմբերի 5-ից:
Ընկերությունը Հայաստանում 2009թ. և 2010թ. կատարել է համապատասխանաբար 140 մլն եվրոյի և ավելի քան 50 մլն դոլարի ներդրումներ և արդեն ապահովում է բջջային կապի ու լայնաշերտ շարժական ինտերնետի հասանելիությունը Հայաստանի 600 քաղաքներում և գյուղերում` բնակչության 95% տոկոսին: --0--
Ծանոթացեք լուրերին առաջինն ու քննարկեք դրանք մեր Telegram-ում
19:24 06.03.2012