«Ռոստելեկոմի» MAXPLUS առաջարկի շնորհիվ բաժանորդները կօգտվեն հավելյալ ծառայություններից
ԵՐԵՎԱՆ, 5 հունիսի. /ԱՌԿԱ/. «Ռոստելեկոմը» Հայաստանում ներկայացնում է նոր՝ MaxPlus առաջարկը, հայտնում է ընկերության մամուլի ծառայությունը։
Առաջարկի շնորհիվ ընկերության բաժանորդները, ի լրումն իրենց սակագնային փաթեթի հիմնական պայմանների, կստանան հավելյալ ծառայություններ աննախադեպ մատչելի պայմաններով։
MaxPlus առաջարկի շրջանակներում վճարելով ընդամենը 500 դրամ` բաժանորդները կկարողանան օգտվել 5000 դրամ արժողությամբ բովանդակությունից՝ 2,5 անգամ ավելի արագ Ինտերնետից, մինչև 30 հավելյալ հեռուստաալիքներից (այդ թվում նաև Кинопремьера, Матч! Футбол 2 HD, РЕН ТВ, RU.TV, Карусель, այլ), անսահմանափակ թվով սերիալներ դիտելու հնարավորությունից Սմարթ հեռուստատեսության Ֆիլմադարան ենթաբաժնից։
Ինչպես հայտնում են ընկերությունից, ֆիլմադարան ենթաբաժնում ներկայացված սերիալների բազմազանությունը կգրավի անգամ ամենախստապահանջ հեռուստադիտողին՝ ներկայացնելով ֆիլմարտադրության բազմաժանդր որակյալ արտադրանք՝ թրիլլերներ, արկածային, պատմական, սարսափ, ֆանտաստիկ ֆիլմեր, դետեկտիվներ, մարտաֆիլմեր, այլ ժանրեր։
«Այսպիսով, միանալով MaxPlus առաջարկին, Տրիո ծառայությունների փաթեթի բաժանորդները մեկ տարի շարունակ կստանան նշված առավելություններն՝ ի լրումն իրենց տրամադրված բարձրակարգ ծառայությունների՝ մեկ տարվա ընթացքում ավելացնելով ամսական ընդամենը 500 դրամ սակագնային փաթեթի ամսավճարին»,– նշվում է հաղորդման մեջ։
«Ռոստելեկոմ» ԲԲԸ–ի հայկական դուստր ընկերությունը` «GNC-ALFA» ՓԲԸ–ն, 2012 թ.–ի դեկտեմբերից սկսել է կապի ծառայություններ մատուցել Հայաստանի տարածքում Rostelecom ապրանքանիշի ներքո։
Ընկերության օպտիկամանրաթելային ցանցը ծածկում է Հայաստանի տարածքի 80 տոկոսն` ավելի քան 2500 կմ ընդհանուր երկարությամբ։ Ցանցը միացված է հիմնական տարածաշրջանային մայրուղային ցանցերին և տրաֆիկի փոխանակման խոշոր հանգույցներին, ինչպես նաև Վրաստանի և Իրանի տարածքով անցնող միջազգային խողովակներին։ –0–
Ծանոթացեք լուրերին առաջինն ու քննարկեք դրանք մեր Telegram-ում
15:02 06.06.2017
