«Ռոստելեկոմը» հայ բաժանորդների համար նվազեցնում է դեպի ՌԴ կատարվող զանգերի արժեքը
ԵՐԵՎԱՆ, 30 մայիսի. /ԱՌԿԱ/. Հայաստանից «Ռոստելեկոմ» ընկերության ֆիքսված հեռախոսակապի ծառայության միջոցով իրականացված զանգերի արժեքը դեպի Ռուսաստանի Դաշնության բջջային ցանցեր հունիսի մեկից կնվազի, հայտնում է ընկերության մամուլի ծառայությունը։
Ըստ հաղորդագրության, մասնավորապես, հունիսի 1-ից դեպի Ռուսաստանի բջջային բոլոր ցանցեր յուրաքանչյուր րոպեն կարժենա 89 դրամ/րոպե (անկախ օպերատորից) նախկին 125 դրամ/րոպե (ՌԴ Բիլայն բջջային ցանց) և 105 դրամ/րոպե (ՌԴ այլ բջջային ցանցեր) փոխարեն։
Ընկերությունից հիշեցնում են նաև, որ դեպի Ռուսաստանի ֆիքսված ցանցեր հայաստանյան «Ռոստելեկոմի» ֆիքսված հեռախոսակապից (012, 060) զանգերի արժեքը կազմում է 12 դրամ/րոպե Մոսկվա և Սանկտ Պետերբուրգ և 22 դրամ/րոպե դեպի այլ քաղաքների ֆիքսված ցանցեր զանգահարելիս։
«Ռոստելեկոմ» ԲԲԸ–ի հայկական դուստր ընկերությունը` «GNC-ALFA» ՓԲԸ–ն, 2012 թ.–ի դեկտեմբերից սկսել է կապի ծառայություններ մատուցել Հայաստանի տարածքում Rostelecom ապրանքանիշի ներքո։ Ընկերության օպտիկամանրաթելային ցանցը ծածկում է Հայաստանի տարածքի 80 տոկոսն` ավելի քան 2500 կմ ընդհանուր երկարությամբ։ Ցանցը միացված է հիմնական տարածաշրջանային մայրուղային ցանցերին և տրաֆիկի փոխանակման խոշոր հանգույցներին, ինչպես նաև Վրաստանի և Իրանի տարածքով անցնող միջազգային խողովակներին։ –0–
Ծանոթացեք լուրերին առաջինն ու քննարկեք դրանք մեր Telegram-ում
20:47 30.05.2016