«Ռոստելեկոմը» ԵՊՀ-ում հիմնել է գունավոր հեռուստատեսության հիմնադիր Հովհաննես Ադամյանի անվան սրահ
ԵՐԵՎԱՆ, 9 փետրվարի. /ԱՌԿԱ/. Հինգշաբթի «Ռոստելեկոմ» հեռահաղորդակցական ընկերությունը ԵՊՀ-ում հիմնել է մեծանուն գիտնական, գունավոր հեռուստատեսության հիմնադիր Հովհաննես Ադամյանի անվան սրահ։
«Մենք մեծ նշանակություն ենք տալիս բուհերի հետ համագործակցությանը: «Ռոստելեկոմի» համար մեծ պատիվ է ԵՊՀ-ի հետ կապերի խորացումը», - ասել է հանդիսավոր բացման արարողությանը ընկերության գլխավոր տնօրեն Հայկ Ֆարամազյանը:
Նրա խոսքով, «Ռոստելեկոմի» մասնագետները սրահում դասախոսություններ և պրակտիկ դասեր կանցկացնեն ԵՊՀ-ի ռադիոֆիզիկայի և ծրագրավորման ֆակուլտետների ուսանողների համար:
Այսօր «Ռոստելեկոմը» Հայաստանում իր բոլոր բաժանորդներին տրամադրում է նորագույն տեխնոլոգիական լուծումներով հագեցած Սմարթ հեռուստատեության ծառայությունը, ինչը Հովհաննես Ադամյանի գյուտի մերօրյա զարգացումն է։ «ԵՊՀ-ի հետ համագործակցությունը շարունակական բնույթ է կրում, ուսանողները հնարավորությոեւն են ստացել մեզ մոտ սովորել: Մենք նաև մրցույթներ ենք կազմակերպել ուսանողների համար, որպեսզի նրանց կարողանան առօրյայում կիրառեն իրենց գիտելիքները», - ասել է Ֆարամազյանը` ավելացնելով, որ որոշ ուսանողներ արդեն աշխատանքի են ընդունվել «Ռոստելեկոմ»:
ԵՊՀ-ի ռեկտոր Արամ Սիմոնյանն իր հերթին հույս հայտնեց, որ «Ռոստելեկոմի»հետ համագործակցության շմորհիվ, կհաջողվի կապ հաստատել ընկերության և բուհի միջև, մասնավորապես, ռադիոֆիզիկայի բաժնի: «Մենք նախնական համաձայնության ենք եկել, որ «Ռոստելեկոմ» ընկերության մասնագետները դասախոսություններ և սեմինարներ կկարդան ռադիոֆիզիկայի, ֆակուլտետի ուսանողների համար` շուկայում ավելի պահանջված մասնագետներ պատրաստելու համար» - ասաց Սիմոնյանը:
Ակնառու ինժեներ-էլեկտրիկ, գունավոր հեռուստատեսության հիմնադիր Ադամյանը (1879 – 1932 թթ) ստացել է հեռուստատեսության և լուսահեռագրության բնագավառներում 21 արտոնագիր (Գերմանիայում, Մեծ Բրիտանիայում, Ֆրանսիայում և Ռուսաստանում):
Ռուսաստանում 1918 թվականին ստեղծել է առաջին սարքը, որը հաղորդում և ցուցադրում էր սև և սպիտակ պատկերներ (ստատիկ պատկերներ), ինչը մեծ նվաճում էր հեռուստատեսության զարգացման բնագավառում։ 1945-1951 թվականներին ԱՄՆ-ի Կոլումբիա (CBS) ռադիոընկերությունը Նյու Յորքում կատարել է փորձնական ցուցադրում, իսկ 1951-1953 թվականներին Ադամյանի համակարգն ընդունվել է որպես կայուն համակարգ և օգտագործվել գունավոր պատկերներ ցուցադրելու համար։
1925 թ. Երևանի համալսարանում ստեղծված հատուկ լաբորատորիայում նա պատրաստել և գործողության մեջ աշխարհում առաջին անգամ ցուցադրել է «Հեռատես» եռագույն պատկերման սարքը։ Համանման համակարգ Եվրոպայում ներկայացվել է միայն երեք տարի անց։
Մյունխենի, Ցյուրիխի և Բեռլինի համալսարաններում ուսանած Ադամյանը տիրապետում էր եվրոպական մի քանի լեզուների, տեխնիկական գիտություններին զուգընթաց ուսումնասիրում էր գեղանկարչություն և ճարտարապետություն:
«Ռոստելեկոմ» ԲԲԸ–ի հայկական դուստր ընկերությունը` «GNC-ALFA» ՓԲԸ–ն, 2012 թ.–ի դեկտեմբերից սկսել է կապի ծառայություններ մատուցել Հայաստանի տարածքում Rostelecom ապրանքանիշի ներքո։
Ընկերության օպտիկամանրաթելային ցանցը ծածկում է Հայաստանի տարածքի 80 տոկոսն` ավելի քան 2500 կմ ընդհանուր երկարությամբ։ Ցանցը միացված է հիմնական տարածաշրջանային մայրուղային ցանցերին և տրաֆիկի փոխանակման խոշոր հանգույցներին, ինչպես նաև Վրաստանի և Իրանի տարածքով անցնող միջազգային խողովակներին։ -0-
Ծանոթացեք լուրերին առաջինն ու քննարկեք դրանք մեր Telegram-ում
18:40 09.02.2017