«Ռոստելեկոմը» հայտարարում է Ամանորի անակնկալների մասին
ԵՐԵՎԱՆ, 30 դեկտեմբերի. /ԱՌԿԱ/. «Ռոստելեկոմը» շնորհավորում է Ամանորի կապակցությամբ և տեղեկացնում, որ մինչև 2017 թվկանի հունվարի 15-ը բոլոր բաժանորդներն իրենց բնակարաններում կկարողանան դիտել 130-ից ավելի լավագույն հեռուստաալիքներ և օգտվել մինչև 100Մբ/վ արագությամբ ինտերնետ կապից, հայտնում է ընկերության մամուլի ծառայությունը:
Բացի այդ, ինչպես նշվում է հաղորդագրությունում, ընկերության ֆիլմադարանում (VOD), առանձին ժանրով տեղադրվել են հատուկ 40-ից ավելի ֆիլմեր Նոր տարվա թեմայով, որ բոլոր բաժանորդները, ի թիվս հարյուրավոր նորագույն ֆիլմերի և մուլտֆիլմերի, կարողանան դիտել և զգալ Ամանորի շունչն ու տրամադրությունը։
Բոլոր նրանց համար, ովքեր այցելելու են «Ռոստելեկոմի» վաճառքի և սպասարկման սրահներ (ՎՍՍ), տոնական օրերին կգործի հատուկ տոնական աշխատանքային գրաֆիկ:
Այդ օրերին վաճառքի և սպասարկման սրահները կգործեն համաձայն հետևյալ ժամանակացույցի՝
• Դեկտեմբերի 31՝ ժ. 11:00-15:00 (երևանյան և մարզային բոլոր ՎՍՍ-ները),
• Հունվարի 3՝ ժ. 12:00-17:00 (միայն Հանրապետության հրապարակի ՎՍՍ՝ ք․Երևան, Նալբանդյան 28/1),
• Հունվարի 4՝ ժ. 12:00-17:00 (միայն Հանրապետության հրապարակի ՎՍՍ՝ ք․Երևան, Նալբանդյան 28/1),
• Հունվարի 5-6՝ ժ. 12:00-17:00 (երևանյան և մարզային բոլոր ՎՍՍ-ները),
• Հունվարի 7՝ ժ. 12:00-17:00 (երևանյան և մարզային բոլոր ՎՍՍ-ները, բացառությամբ՝ Արարատ, Մարտունի,Ալավերդի, Քաջարան, Դիլիջան),
• Հունվարի 8՝ ժ. 12:00-17:00 (միայն Հանրապետության հրապարակի ՎՍՍ՝ ք․Երևան, Նալբանդյան 28/1)։
«Ռոստելեկոմը» շնորհավորում է բոլորի տոներն ու մաղթում բարի ժամանց։
«Ռոստելեկոմ» ԲԲԸ–ի հայկական դուստր ընկերությունը` «GNC-ALFA» ՓԲԸ–ն, 2012 թ.–ի դեկտեմբերից սկսել է կապի ծառայություններ մատուցել Հայաստանի տարածքում Rostelecom ապրանքանիշի ներքո։
Ընկերության օպտիկամանրաթելային ցանցը ծածկում է Հայաստանի տարածքի 80 տոկոսն` ավելի քան 2500 կմ ընդհանուր երկարությամբ։ Ցանցը միացված է հիմնական տարածաշրջանային մայրուղային ցանցերին և տրաֆիկի փոխանակման խոշոր հանգույցներին, ինչպես նաև Վրաստանի և Իրանի տարածքով անցնող միջազգային խողովակներին։ -0-
Ծանոթացեք լուրերին առաջինն ու քննարկեք դրանք մեր Telegram-ում
16:17 30.12.2016
