«Ռոստելեկոմը» նոր նախագիծ է ներկայացնում իր բաժանորդներին
ԵՐԵՎԱՆ, 28 դեկտեմբերի. /ԱՌԿԱ/. Ամանորին ընդառաջ «Ռոստելեկոմը» հերթական ներդրումն է իրականացնում հեռուստատեսության բոլոր բաժանորդների համար, հայտնում է ընկերության մամուլի ծառայությունը։
Ինչպես նշվում է հաղորդման մեջ, «Ռոստելեկոմը» «Շանթ» հեռուստաընկերության հետ համատեղ ներկայացնում է նոր՝ «Շանթ Պրեմիում» հեռուստաալիքը, որը դեկտեմբերի վերջից սկսած հեռարձակվելու է ԲԱՑԱՌԱՊԵՍ «Ռոստելեկոմի» ցանցում՝ պատկերների լավագույն՝ HD որակով։
Հեռուստանախագծի շրջանակում ընկերության բոլոր բաժանորդները հնարավորություն են ստացել բացառիկ պայմաններով մեկ օր առաջ դիտելու լավագույն հեռուստասերիալները ոչ միայն առանց գովազդի, այլ նաև օրվա ցանկացած պահին` օգտագործելով Նախկին հաղորդումներ (TV on Demand) ծառայությունը:
«Մեկ այլ նշանակալի առավելություն է գերազանց որակը, ինչն ապահովում է ամենավառ ու գունեղ պատկերով հեռուստադիտումը։ «Շանթ Պրեմիում» հեռուստաալիքի եթերը հագեցած է ամենադիտվող սիթքոմներով ու բոլոր ժամանակների ամենասիրված հաղորդումներով, որոնք մշտապես թարմացվելու և նորացվելու են՝ հեռարձակելով ու հեռուստադիտողի դատին ներկայացնելով նոր հեռուստանախագծեր Պրեմիում որակով»,– ասվում է հաղորդագրությունում։
«Շանթ հեռուստաընկերության հետ համագործակցությունը հնարավորություն կտա «Ռոստելեկոմի» բաժանորդներին մշտապես լինելու մեկ քայլ առաջ և շուրջօրյա դիտելու որակյալ, դիտարժան հաղորդումներ ու նախագծեր»,— նշեց «ՋԻԷՆՍԻ-ԱԼՖԱ» ՓԲԸ, «Ռոստելեկոմ» Հայաստան գլխավոր տնօրեն Հայկ Ֆարամազյանը։
«Ռոստելեկոմ» ԲԲԸ–ի հայկական դուստր ընկերությունը` «GNC-ALFA» ՓԲԸ–ն, 2012 թ.–ի դեկտեմբերից սկսել է կապի ծառայություններ մատուցել Հայաստանի տարածքում Rostelecom ապրանքանիշի ներքո։
Ընկերության օպտիկամանրաթելային ցանցը ծածկում է Հայաստանի տարածքի 80 տոկոսն` ավելի քան 2500 կմ ընդհանուր երկարությամբ։ Ցանցը միացված է հիմնական տարածաշրջանային մայրուղային ցանցերին և տրաֆիկի փոխանակման խոշոր հանգույցներին, ինչպես նաև Վրաստանի և Իրանի տարածքով անցնող միջազգային խողովակներին։ –0–
Ծանոթացեք լուրերին առաջինն ու քննարկեք դրանք մեր Telegram-ում
14:29 28.12.2016