Samsung Galaxy Nexus սմարթֆոննների վաճառքը մեկնարկել է ՎիվաՍել-ՄՏՍ-ի սպասարկման կենտրոններում

ԵՐԵՎԱՆ, 20 մարտի. /ԱՌԿԱ/. Samsung Galaxy Nexus սմարթֆոնը երեքշաբթի օրվանից հնարավոր է ձեռք բերել ՎիվաՍել-ՄՏՍ-ի սպասարկման կենտրոններում, հաղորդում է ընկերության մամուլի ծառայությունը:

«Samsung Galaxy Nexus-ն ապահովված է այնպիսի բացառիկ հնարավորություններով, ինչպիսիք են` HD Super AMOLED էկրանը, գոգավոր դիզայնն ու սմարթֆոնի անգերազանցելի աշխատանքն ապահովող գերարագ dual core պրոցեսորը: Իսկ Android 4-ի ընձեռած հարուստ հնարավորությունների շնորհիվ այս սմարթֆոնը նվաճել է անգամ ամենապահանջկոտ հաճախորդների սրտերը»,- ասվում է հաղորդագրության մեջ:

Սմարթֆոնն արժե 349 հազ. դրամ, բացի այդ ցանկացողները կարող են սմարթֆոնը ձեռք բերել ապառիկ:

Հաղորդագրության համաձայն՝ ձեռք բերելով այն` կարելի է մասնակցել «Սմարթ բոնուս» ծրագրին և ստանալ 174 500 դրամ բոնուս: Ինչպես միշտ, հեռախոսը կարելի է ձեռք բերել նաև ապառիկ:

Մանրամասն տեղեկություններ ստանալու համար կարելի է օգտվել www.vivacell.am կայքից, զանգահարել 111 անվճար հեռախոսահամարով, հաղորդակցվել մեզ հետ «111 օնլայն» պորտալի միջոցով, կամ այցելել մեր սպասարկման կենտրոններից որևէ մեկը: 

VivaCell-MTS (Ղ-Տելեկոմ) ընկերությունը հայկական շուկայում աշխատում է 2005 թվականից: Ընկերության բաժնետոմսերի 80տոկոսը պատկանում է Ռուսաստանի և ԱՊՀ բջջային կապի խոշորագույն օպերատոր «Մոբիլնիե Տելեսիստեմիե ԲԲԸ-ին, մնացած 20տոկոսը պատկանում է լիբանանյան Fattouch Group ներդրումային խմբին: -0-

Ծանոթացեք լուրերին առաջինն ու քննարկեք դրանք մեր Telegram-ում

18:16 20.03.2012