Samsung-ը հայտնել է Galaxy S8-ի շնորհանդեսի ամսաթիվը
ԵՐԵՎԱՆ, 17 հունվարի. /ԱՌԿԱ/. Samsung ընկերությունը որոշել է նոր Galaxy S8 սմարթֆոնի շնորհանդեսի ամսաթիվը:
Ինչպես գրում է newsru.com-ը, հղում անելով Twitter-ում @Ricciolo1 օգտատիրոջ միկրոբոլգին, շնորհանդեսը տեղի կունենա մարտի 29-ին, իսկ շուկայում սարքը կարող է հայտնվել ապրիլի 24-30-ն ընկած ժամանակահատվածում 849 դոլար արժեքով:
Նրա տվյալներով, ընկերությունը կբերի Galaxy S8-ը նաև Բարսելոնա, որտեղ փետրարի վերջին կբացվի MWC ցուցահանդեսը, սակայն այնտեղ սմարթֆոնը չի ներկայացվի լայն հանրությանը: Ինչպես նշում է Phone Arena-ն, այդ տեղեկատվությունը մասնակիորեն համապատասխանում է Samsung-ի նոր սմարթֆոնի շնորհանդեսի մասին նախկին տեղեկություններին։
Հիշեցնենք, որ, առկա տեղեկությունների համաձայն, Samsung Galaxy S8-ը կունենա 5,7 դյույմանոց կոր էկրան, 1440*2560 կետայնություն և Gorilla Glass 5 պաշտպանիչ ապակի, Snapdragon 835 ութ միջուկանի պրոցեսոր, 12 Մպ-անոց հիմնական և 8 Մպ-անոց դիմացի տեսախցիկ: Նախատեսվում է նաև, որ Samsung-ը կթողարկի նաև S8 Plus մոդել, որը կունենա 6,2 դյույմանոց էկրան:
Ավելի վաղ հայտնի էր դարձել, որ Samsung-ի նոր ֆլագմանը չի ունենա գլխավոր էջի կոճակ, իսկ մատնահետքերն ընկալող սարքը կներկառուցվի սարքի էկրանի մեջ:–0–
Ծանոթացեք լուրերին առաջինն ու քննարկեք դրանք մեր Telegram-ում
15:02 17.01.2017