Samsung–ը ճանաչվել է աշխարհում չիպերի խոշորագույն արտադրող
ԵՐԵՎԱՆ, 6 ապրիլի. /ԱՌԿԱ/. Կորեական տեխնիկական հսկայի վաճառքները 2017 թվականին այնքան հաջողված էին, որ ընկերությանը հաջողվեց առաջ անցնել Intel–ից և դարձել աշխարհում միկրոսխեմների խոշորագույն արտադրող։ Առաջին անգամ 25 տարիների ընթացքում Intel–ը դարձել է երկրորդը։ Եվ չիպերը կրկին Samsung–ի եկամտի հիմնական աղբյուրն են։
Ինչպես հայտնում է hi-tech.mail.ru–ն, Samsung–ը կանխատեսում է, որ 1–ին եռամսյակում նրա շահույթը կարող է կազմել մոտ 14.7 մլրդ դոլար, ինչը 19 տոկոսով ավելի է նախորդ տարվա նույն ժամանակահատվածից և զգալիորեն կանխատեսում է Reuters–ի կողմից հարցման մասնակցած վերլուծաբանների կանխատեսած 13.7 մլրդ դոլարը։
Այդ թիվը Samsung–ի համար ֆինանսական տարվա առաջին եռամսյակի ռեկորդային շահույթ է։
Այնուամենայնիվ, կան մտավախություններ, որ iPhone X–ի տարածվածությունը կարող է նվազեցնել Samsung Galaxy S9 սմարթֆոնի վաճառքները։ Սակայն, ամենայն հավանականությամբ, հիշողության չիպերի պահանջարկը փոխհատուցում է սմարթֆոնների սպառողական շուկայի ցանկացած հիասթափություն։
Սա Samsung–ի առաջին հաշվետվությունն է ընկերության փոխնախագահ և ժառանգորդ Ջեյ Լիի` բանտից դուրս գալուց հետո։ Նա մեղադրվել էր կաշառք ստանալու համար, այնուհետև ազատ էր արձակվել։ -0-
Ծանոթացեք լուրերին առաջինն ու քննարկեք դրանք մեր Telegram-ում
12:56 06.04.2018