Մեկնարկել է Beeline նոր սմարթֆոնների և պլանշետների վաճառքը

ԵՐԵՎԱՆ, 2 հուլիսի. /ԱՌԿԱ/. Beeline-ը հայտարարում է նոր սմարթֆոնների և պլանշետների վաճառքի մեկնարկի մասին, հաղորդում է «ԱրմենՏել» ընկերության (ապրանքանիշը` Beeline) մամուլի ծառայությունը։

Հուլիսի 1–ից ժամը 17։00-ից սկսած սմարթֆոններ և պլանշետներ կարելի էր ձեռք բերել Երևանի, Վանաձորի, Գյումրիի և Էջմիածնի հինգ Beeline վաճառքի և սպասարկման գրասենյակներից։

Յուրաքանչյուր վաճառքի և սպասարկման գրասենյակում գնորդներին  սպասում է անակնկալ։ Հաճախորդները սմարթֆոն գնելիս անվճար կստանան Beeline «գեղեցիկ» հեռախոսահամար, իսկ համակարգչային պլանշետի դեպքում՝ հատուկ պատյան: Հուլիսի 2-ից վաճառքները կմեկնարկեն Beeline վաճառքի և սպասարկման բոլոր գրասենյակներում։

Նոր Beeline սարքավորումների տեսականին ներառում է՝  Beeline Smart Pro և Beeline Smart Dual սմարթֆոնները և Beeline Tab Pro պլանշետը։

Ինչպես նշել է Հայաստանում Beeline-ի գլխավոր տնօրեն Անդրեյ Պյատախինը, ընդառաջ գնալով հաճախորդների բազմաթիվ խնդրանքներին` ընկերությունն ընդլայնել է բրենդային սմարթֆոնների տեսականին և առաջին անգամ Հայաստանում առաջարկում բրենդային պլանշետներ։

«Սարքավորումների տեսականին ներառում է արդեն մեր հաճախորդներին ծանոթ Beeline Smart–ը, բայց արդեն երկու SIM-քարտի հնարավորությամբ։ Ամենախստապահանջ հաճախորդներին հասանելի է 4'5 էկրան անկյունագծով Beeline Smart Pro՝ բարելավված տեխնիկական առանձնահատկություններով եւ նորաոճ դիզայնով։ Ինչպես նախկինում, այժմ նույնպես Beeline-ը բջջային սարքավորումների վաճառքի ժամանակ հիմնական ուշադրությունը դարձնում է սարքավորումների որակին, պարզ և հարմար ծառայությունների տրամադրմանը և շուկայում լավագույն գնին», – նշել է Պյատախինը։

Beeline Smart Dual սմարթֆոնը երկու SIM-քարտի հնարավորությամբ հասանելի է 33900 դրամով, իսկ Beeline Smart Pro՝ 49 900 դրամով։ Սմարթֆոնների գնորդները երեք ամիս շարունակ հնարավորություն ունեն ամսեկան անվճար ստանալ  1 GB գերարագ Ինտերնետ և Beeline ցանցի ներսում անսահմանափակ զանգերի հնարավորություն։

Beeline Tab Pro պլանշետային համակարգիչի արժեքն է 49 900 դրամ։ Գնորդները կստանան 5 GB բջջային ինտերնետ եւ մեկ ամիս «Infinity 512» սակագնային փաթեթին անվճար բաժանորդագրության հնարավորություն:

ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ։ ($1 – 472,22 դրամ)–0–

Ծանոթացեք լուրերին առաջինն ու քննարկեք դրանք մեր Telegram-ում

15:38 02.07.2015