Սոցցանցերում սառցակալած տաբատների նորաձևություն է հայտնվել

ԵՐԵՎԱՆ, 22 հունվարի. /ԱՌԿԱ/. Մինեսոտայի բնակիչները սկսել են սոցցանցերում հրապարակել ցրտահարված տաբատների զվարճալի լուսանկարներ։  Թրենդի հեղինակը Մինեապոլիսի բնակիչ Թոմ Գրոթինգն է (Tom Grotting), ով այդպիսի «կոթողներով» սովորաբար ուրախացնում է իր հարևանուհի Դիանային, գրում է  Lenta.ru–ն` հղում անելով ABC News–ին։

Գրոթինգը պատմել է սառած տաբատներից քանդակներ պատրաստելու գաղտնիքը։ Նա թրջում է դրանք չջով դույլի մեջ, այնուհետև կախում դրսում` մինչև դրանք սառեն։ Այդ ամենը տևում է մոտ 30 րոպե։

Ամերիկացին քաղաքով շարում է ցրտահարված ջինսերն արդեն մի քանի տարի անընդմեջ, բայց հետևորդներ են հայտնվել միայն այս տարի նրանից հետո, երբ տղամարդն իր ստեղծագործությունների լուսանկարներն ուղարկել է I love NE Minneapolis խումբ։ Ոգեշնչվելով Գրոթինգից` ամերիկացիները սկսել են նմանատիպ լուսանկարներ հրապարակել սոցցանցերում և տարածել դրանք #frozenpants հեշթեգով։ -0-

Ծանոթացեք լուրերին առաջինն ու քննարկեք դրանք մեր Telegram-ում

12:24 22.01.2016