Sputnik բջջային հավելվածը հասանելի է նաև հայերեն լեզվով

ԵՐԵՎԱՆ, 30 հուլիսի. /ԱՌԿԱ/.  iOS և Android օպերացիոն համակարգերի համար Sputnik բջջային հավելվածը հասանելի է դարձել հայերեն լեզվով։ Այն թույլ է տալիս սմաթֆոնների օգտագործողներին 24х7 ռեժիմով ստանալ լուրեր, դիտել լուսանկարներ և լսել հոսքային ռադիո աշխարհի տասնյակ լեզուներով։

Ի հավելումն հայերեն լեզվով գործող հավելվածի` Sputnik հավելվածն օգտագործողների համար հասանելի է նաև անգլերեն, սերբերեն, իտալերեն, լեհերեն, աբխազերեն, պորտուգալերեն, չինարեն, ճապոներեն, գերմաներեն, ֆրանսերեն, հինդի, ղրղըզերեն, թուրքերեն, վիետնամերեն, բելառուսերեն, դարի, դանիերեն, կորեերեն, քրդերեն, նորվեգերեն, փուշթու, պարսկերեն, ֆիններեն, շվեդերեն, ուրդու, արաբերեն, մոլդավերեն, վրացերեն, ադրբեջաներեն, օսերեն և ռուսերեն լեզուներով։

Sputnik հավելվածը կարելի է անվճար ներբեռնել App Store և Google Play խանութներից։ Բացի օրվա ամբողջական լրահոսից` Sputnik նոր հավելվածի օգտագործողները կկարողանան կարդալ փորձագետների մեկնաբանություններն արդիական թեմաների վերաբերյալ, դիտել վերլուծություն և ինֆոգրաֆիկա։ Այստեղից ցանկացած տեղեկություն կարելի է հրապարակել սոցիալական ցանցերում ներկառուցված ծառայության օգնությամբ։

Sputnik նոր պրոդուկտում իրագործված են նորագույն մոտեցումներ, ինտերֆեյսը հարմար է և հասկանալի, իսկ զանազան կարգավորումները թույլ են տալիս հաշվի առնել iOS և Android հարթակների հավելվածների բոլոր օգտագործողների հետաքրքրությունները։ Հավելվածն աշխատում է iOS 6.0 և ավելի բարձր ու Android 4.0 և ավելի բարձր օպերացիոն համակարգերով ժամանակակից բոլոր սմարթֆոններում։  

Sputnik–ը (sputniknews.com) լրատվական գործակալություն և ռադիո է ` մուլտիմեդիոն տեղեկատվական կենտրոններով, որոնք գործում են տասնյակ երկրներում։ Sputnik–ը ներառում է կայքեր, անալոգային և թվային ռադիոհեռարձակում, բջջային հավելված և սոցցանցերի էջեր։ Sputnik–ի լրատվական ժապավենները բաժանորդների համար շուրջօրյա հասանելի են անգլերեն, արաբերեն, իսպաներեն և չինարեն լեզուներով։ -0-

Ծանոթացեք լուրերին առաջինն ու քննարկեք դրանք մեր Telegram-ում

14:03 30.07.2015