Ucom-ում մեկնարկել է նորագույն iPhone SE-ի վաճառքը
ԵՐԵՎԱՆ, 8 մայիսի./ԱՌԿԱ/. Ucom-ում մեկնարկել է նորագույն iPhone SE-ի վաճառքը։ Apple ընկերության «ամենաակտուլաներից ամենամատչելի» սմարթֆոնը հասանելի է աննախադեպ մատչելի՝ ընդամենը 289 900 դրամ գնով, հաղորդում է Ucom–ի մամուլի ծառայությունը։
Նոր iPhone SE-ն ներկայացված է iPhone 8-ի դիզայնով ու երեք գույնով՝ սև, սպիտակ և վառ կարմիր: Նորույթում վերականգնված է հանրահայտ գլխավոր մենյուի կոճակը՝ Touch ID v2 մատնահետքի սկաներով: Էկրանի չափը 4,7 դյույմ է, Retina HD որակի: SE-ի A13 Bionic պրոցեսորն ամենահզորն է շուկայի Apple սարքերի պրոցեսորներից, այն նաև տեղադրված է iPhone 11-ում և 11 Pro-ում: Մյուս առավելություններից են 12 մեգապիքսել հզորությամբ տեսախցիկը, անլար լիցքավորման հնարավորությունը և eSIM տեխնոլոգիան:
«Ուրախ եմ, որ Ucom-ն առաջիններից է ներկայացնում նոր սերնդի սմարթֆոնը։ Հիշեցնեմ, որ Ucom-ը Հայաստանում միակն է, որ տրամադրում է ներկառուցված էլեկտրոնային SIM քարտից օգտվելու հնարավորությունը։ eSIM ծառայությանը կարող եք բաժանորդագրվել Ucom-ի բոլոր սպասարկման կենտրոններում և այդպիսով լուծել մեկ iPhone-ում 2 SIM քարտ ունենալու խնդիրը», - նշել է Ucom ընկերության գլխավոր տնօրեն Արա Սերգեյի Խաչատրյանը։
Հավելենք, որ iPhone SE-ն հնարավոր է ձեռք բերել նաև Ucom Ունիվերսալ սակագնային պլաններից որևէ մեկին 24 ամսով բաժանորդագրվելու դեպքում։
Ucom ընկերությունը Հայաստանում 2009թ. սկսած կառուցել է գերժամանակակից օպտիկամանրաթելային ցանց, որը հնարավորություն է տալիս մեկ կապուղով մատուցել երեք ծառայություն՝ ինտերնետ, հեռուստատեսային ծառայություն և հեռախոսակապ: 2015թ. հունիսի դրությամբ ընկերությունն ունի ավելի քան 100 000 բաժանորդ և 800-ից ավելի աշխատակից: Համագործակցելով համաշխարհային գերհզոր ընկերությունների հետ` «Յուքոմը» կարողացել է իր հաստատուն դիրքը գրավել Հայաստանի հեռահաղորդակցման շուկայում:–0–
Ծանոթացեք լուրերին առաջինն ու քննարկեք դրանք մեր Telegram-ում
18:54 08.05.2020