Ucom-ն առաջարկում է կիսվել ինտերնետով ու լավ պահերով
ԵՐԵՎԱՆ, 13 փետրվարի. /ԱՌԿԱ/. 2017 թ.–ի փետրվարի 13-ից ապրիլի 13-ը Ucom ընկերության շարժական ինտերնետի U!Flash 8000 և U!Fi 8000 սակագնային պլաններին միացած բոլոր բաժանորդները 1 SIM-քարտի փոխարեն կստանան 2 SIM-քարտ և մշտական հնարավորություն կունենան կիսելու ինտերնետի ծավալը երկուսի միջև, հաղորդում է Ucom–ի մամուլի ծառայությունը։
Այս քարտերով բաժանորդները միաժամանակ կօգտագործեն սակագնային պլաններով նախատեսված 25 ԳԲ ինտերնետի ծավալը, որը սպառելուց հետո քարտերից յուրաքանչյուրով կշարունակեն օգտվել անսահմանափակ ինտերնետից մինչև 1024 կբ/վրկ ներբեռնման արագությամբ:
«Ավելին՝ առաջարկին 1 տարով միանալու դեպքում շարժական ինտերնետի 4G+ ցանցի հետ համադրելի U!Fi մոդեմը հնարավոր կլինի ձեռք բերել ընդամենը 1 դրամով», – նշվում է հաղորդագրության մեջ։
Ընկերությունը նաև հիշեցնում է, որ «Ինտերնետ միասին» ծառայությունը հասանելի է նաև ինտերնետի 5000 և 6000 սակագնային պլանների բաժանորդներին 2000 դրամ ամսավճարի դիմաց:
Ucom (Universal Communications) ընկերությունը հիմնադրվել է 2007 թ.–ին և զբաղվում է հեռահաղորդակցական ծառայությունների տրամադրմամբ։ Ericsson–ի աջակցությամբ ընկերությունը ստեղծել է լայնաշերտ հասանելիության ցանց` տրամադրելով ինտերնետային, IP հեռուստատեսության և ֆիքսված հեռախոսակապի ծառայություններ։ 2015 թ.–ի սեպտեմբերին Ucom–ը ձեռք բերեց Orange Armenia ընկերության (ապրանքանիշը` Orange, France Telecom–ի նախկին դուստրը) բաժնետոմսերի 100 տոկոսը, որը հայկական շուկայում գործում էր 2009 թ.–ի նոյեմբերի 5–ից։ Ընկերությունն արդեն հայտարարել է միաձուլման մասին և իրականացրել է վերաբրենդավորում։ -0-
Ծանոթացեք լուրերին առաջինն ու քննարկեք դրանք մեր Telegram-ում
15:27 13.02.2017