Ucom-ն իջեցրել է Samsung J և S դասի սմարթֆոնների ողջ տեսականու գները
ԵՐԵՎԱՆ, 21 հունիսի./ԱՌԿԱ/. Ucom-ը շարունակում է ամառային գնիջեցման ֆանտաստիկ երթը։
Այս անգամ կտրուկ իջել են Samsung ապրանքանիշի J և S դասի սմարթֆոնների ողջ տեսականու գները, ընդ որում նաև 2018 թ. արտադրված մոդելների համար, հաղորդում է ընկերության մամուլի ծառայությունը։
«Վերջին մեկ ամսվա ընթացքում մենք վերանայել ենք 100-ից ավելի մոդելների գները։ Առաջիկայում էլ պատրաստվում ենք ոչ միայն կտրուկ գնիջեցումներ անել, այլև մեր հաճախորդներին ներկայացնելու ենք նոր և բացառիկ տեսականի: Որպես հաճախորդամետ ընկերություն Ucom-ն անում է հնարավոր ամեն ինչ, որպեսզի տարբեր նախասիրություններ ու հնարավորություններ ունեցող բաժանորդներ կարողանան գտնել իրենց համար ամենաօպտիմալ տարբերակը», - նշել է Ucom ընկերության համահիմնադիր և գլխավոր տնօրեն Հայկ Եսայանը։
Հիշեցնենք, որ Ucom ընկերության բաժանորդները կարող են ցանկացած պահի ձեռք բերել նորագույն սմարթֆոններ՝ երաշխիքային և հետերաշխիքային սպասարկման հնարավորությամբ։ Սմարթֆոնների հնարավորություններին կարելի է ծանոթանալ Ucom-ի ինտերնետ խանութում։
Ucom ընկերությունը Հայաստանում 2009թ. սկսած կառուցել է գերժամանակակից օպտիկամանրաթելային ցանց, որը հնարավորություն է տալիս մեկ կապուղով մատուցել երեք ծառայություն՝ ինտերնետ, հեռուստատեսային ծառայություն և հեռախոսակապ:–0–
Ծանոթացեք լուրերին առաջինն ու քննարկեք դրանք մեր Telegram-ում
15:36 21.06.2018