Ucom-ն Ամանորի նվեր է մատուցում U!TV ծառայության բոլոր բաժանորդների համար
ԵՐԵՎԱՆ, 20 դեկտեմբերի. /ԱՌԿԱ/. Դեկտեմբերի 20-ից հունվարի 13-ը U!TV ծառայության բոլոր բաժանորդները կվայելեն Ամանորի ջերմ ու բարի ընտանեկան մթնոլորտը՝ դիտելով միջազգային ամենահեղինակավոր առաջատար ընկերությունների արտադրանքը, հայտնում է ընկերության մամուլի ծառայությունը։
«Տեսավարձույթ» բաժնում «New Year 2018» պանակում Ucom-ի բաժանորդները կգտնեն ամանորյա ուրախ ֆիլմեր և մուլտֆիլմեր անվճար դիտման համար: Հնարավոր կլինի դիտել Paramount Comedy և Discovery Turbo Xtra ֆիլմերի և ժամանցային ալիքները, ինչպես նաև ֆիլմային մի քանի հեռուստաալիքներ, ինչպիսիք են ViP Megahit-ը, ViP Premiere-ը և Spike-ը կարելի է դիտել բացառապես Ucom հեռուստացանցում:
«Մենք անում ենք ամեն ինչ, որ աշխարհի ամենահայտնի հեռուստաարտադրողների բազմաժանր ու որակյալ բովանդակությունից Ucom-ի հեռուստադիտողները կարողանան ընտրել լավագույնը: Մաղթում ենք հաճելի դիտում և առիթից օգտվելով՝ նաև բարի Ամանոր», - ասաց Ucom ընկերության տնօրեն Հայկ Եսայանը:
Ընկերությունից հայտնում են, որ տոնական օրերին VH1 Classic, Paramount Channel, Boomerang, Eurosport 1 HD ալիքների երաժշտական, ֆիլմերի, մանկական և սպորտային բովանդակությունը կգունավորի թե՛ ամենափոքր, և թե՛ մեծահասակ լսարանի տոնական օրերը:
Ucom ընկերությունը Հայաստանում 2009թ. սկսած կառուցել է գերժամանակակից օպտիկամանրաթելային ցանց, որը հնարավորություն է տալիս մեկ կապուղով մատուցել երեք ծառայություն՝ ինտերնետ, հեռուստատեսային ծառայություն և հեռախոսակապ: 2015թ. հունիսի դրությամբ ընկերությունն ունի ավելի քան 100 000 բաժանորդ և 800-ից ավելի աշխատակից: Համագործակցելով համաշխարհային գերհզոր ընկերությունների հետ` «Յուքոմը» կարողացել է իր հաստատուն դիրքը գրավել Հայաստանի հեռահաղորդակցման շուկայում: –0–
Ծանոթացեք լուրերին առաջինն ու քննարկեք դրանք մեր Telegram-ում
15:26 20.12.2017