Ucom-ը բարձրացրել է ֆիքսված ինտերնետի արագությունը
ԵՐԵՎԱՆ, 14 նոյեմբերի. /ԱՌԿԱ/. Ucom ընկերությունը բարձրացրել է ֆիքսված ցանցում ինտերնետի արագությունը նոր և ներկա բաժանորդների համար, հայտնում է ընկերության մամուլի ծառայությունը:
«Մասնավորապես, 3Play Select փաթեթի բաժանորդները կօգտվեն ինտերնետից 60 Մբ/վրկ արագությամբ 1 տարով բաժանորդագրվելու դեպքում և 30 Մբ/վրկ արագությամբ՝ առանց բաժանորդագրման պարտավորության: 3Play Classic փաթեթի բաժանորդները կվայելեն ֆիքսված ինտերնետի 80 Մբ/վրկ արագությունը 1 տարով բաժանորդագրվելու պարագայում և 40 Մբ/վրկ՝ առանց դրա: Իսկ 3Play Rock փաթեթի բաժանորդները կօգտվեն ֆիքսված ինտերնետից 90 Մբ/վրկ արագությամբ, եթե բաժանորդագրվեն փաթեթին 1 տարի ժամկետով, և կունենան 45 Մբ/վրկ արագություն առանց բաժանորդագրվելու նախապայմանի», – նշվում է տարածած հաղորդագրությունում:
«Արագության ավելացումը վերաբերում է նաև 3Play Classic մարզային առաջարկի բաժանորդներին, ովքեր կվայելեն ֆիքսված ինտերնետի 40 Մբ/վրկ արագությունը 1 տարով բաժանորդագրվելու դեպքում: Ավելին, Ucom-ը բարձրացրել է նաև U!Net լայնաշերտ ինտերնետից օգտվող բաժանորդների արագությունները: Այսուհետ U!Net Lite 6000-դրամանոց սակագնային պլանի բաժանորդները կվայելեն ֆիքսված ինտերնետի 16 Մբ/վրկ արագությունը 1 տարով բաժանորդագրվելու դեպքում և 8 Մբ/վրկ արագությունն՝ առանց բաժանորդագրության պարտավորության: Իսկ U!Net Starter 8000-դրամանոց սակագնային պլանի բաժանորդների ինտերնետի արագությունը կկազմի 60 Մբ/վրկ 1 տարվա բաժանորդագրության պարագայում և 30 Մբ/վրկ՝ առանց դրա», – հայտնում են ընկերությունից:
«Ժամանակակից աշխարհում ինտերնետի սպառման աճին զուգընթաց՝ Ucom-ը գիտակցում է իր բաժանորդների օրեցօր աճող պահանջարկը և ջանում է արդարացնել սպասելիքները: Վստահ եմ, որ մեր ընկերության ֆիքսված ծառայություններից օգտվող բաժանորդները կգնահատեն ինտերնետի արագության բարձրացումը և առցանց գործողություններ իրականացնելիս ավելի սահուն փորձառություն կունենան», - նշել է Ucom ընկերության գլխավոր տնօրեն Հայկ Եսայանը:
«Ի դեպ, բոլոր նրանք, ովքեր փնտրում են գին-որակ կատարյալ համադրություն, այսօրվանից կկարողանան բաժանորդագրվել նոր՝ U!Net Optimum 7000-դրամանոց սակագնային պլանին և վայելել ֆիքսված ինտերնետի 36 Մբ/վրկ արագությունը 1 տարվա բաժանորդագրությամբ և 18 Մբ/վրկ արագությունը, եթե չեն ցանկանում ունենալ բաժանորդագրման պարտավորություն», – նշվում է հաղորդագրությունում:
Ucom ընկերությունը Հայաստանում 2009թ. սկսած կառուցել է գերժամանակակից օպտիկամանրաթելային ցանց, որը հնարավորություն է տալիս մեկ կապուղով մատուցել երեք ծառայություն՝ ինտերնետ, հեռուստատեսային ծառայություն և հեռախոսակապ: 2015թ. հունիսի դրությամբ ընկերությունն ունի ավելի քան 100 000 բաժանորդ և 800-ից ավելի աշխատակից: Համագործակցելով համաշխարհային գերհզոր ընկերությունների հետ` «Յուքոմը» կարողացել է իր հաստատուն դիրքը գրավել Հայաստանի հեռահաղորդակցման շուկայում: –0–
Ծանոթացեք լուրերին առաջինն ու քննարկեք դրանք մեր Telegram-ում
16:15 14.11.2017
