«V-Office» ծառայությունն այսուհետ հասանելի է Orange Արմենիայի կորպորատիվ հաճախորդների համար

ԵՐԵՎԱՆ, 16 հուլիսի. /ԱՌԿԱ/. Կորպորատիվ հաճախորդների համար արդեն հասանելի է Orange-ի նոր` «V-Office» ծառայությունը, որը թույլ է տալիս մեկ համարի ներքո միավորել կորպորատիվ ֆիքսված և բջջային կապի հեռախոսագծերը, հայտնում է ընկերության մամուլի ծառայությունը։

«Այս նոր ծառայության շնորհիվ այն ընկերությունները, որոնք ունեն մասնաճյուղեր ՀՀ տարբեր մարզերում կամ որոնց աշխատակցիները հաճախակի են գրասենյակից դուրս աշխատում, կարող են առանց զգալի ներդրումներ կատարելու մշտապես կապի մեջ լինել իրենց աշխատակիցների հետ ինչպես ֆիքսված, այնպես էլ բջջային հեռախոսակապի միջոցով»,– ասվում է մամուլի հաղորդագրությունում։

«Orange-ը շարունակ ջանքեր է գործադրում իր հաճախորդների համար նորարարական և հարմարավետ առաջարկներ ներկայացնելու ուղղությամբ: Մեր նոր «V-Office» ծառայությունն ընձեռում է կորպորատիվ բոլոր հեռախոսագծերով անվճար խոսելու հնարավորություն՝ առանց ավտոմատ հեռախոսային կայան ձեռք բերելու անհրաժեշտության», - ասաց Օրանժ Արմենիայի գլխավոր տնօրեն Ֆրանսիս Ժելիբտերը:

Ծառայությունն ակտիվացնելու համար անհրաժեշտ է ներկայացնել համապատասխան գրավոր հայտ [email protected] էլեկտրոնային հասցեով կամ զանգահարել 06065 7777 հեռախոսահամարով։

Օրանժ Արմենիան France Telecom (ապրանքանիշը` Orange) ընկերության 100 տոկոսանոց դուստր ընկերությունն է, որը հայկական շուկա է մտել 2009թ.–ի նոյեմբերի 5–ին։ Այն ապահովում է ցանցի 83 տոկոսանոց ծածկույթ և բջջային ցանցի և ինտերնետ հասանելիություն հանրապետության 600 համայնքներում (քաղաքներում և գյուղերում)։–0– -

Ծանոթացեք լուրերին առաջինն ու քննարկեք դրանք մեր Telegram-ում

19:55 16.07.2015